سلاموطندار بیلن خاص صحبت اوتکزگن معارف وزیرلیگینی سرپرستی میرویس بلخینینگ ایتیشیچه، اوقیتووچیلرنینگ ظرفیتینی کوتریش برنامهلر و نیازلر اساسیده، اوقیتووچیلرنی تربیهلش مؤسسهلرنینگ وظیفهلری و برنامهلریگه کینگ اوزگریش کیریتیلگن.
اونگه کوره، اوشبو اوزگریشلر اساسیده، اوقیتووچیلرنی تربیهلش مؤسسهلری باشقه 10 ییلگچه کانکور سیناوی آرقهلی هیچ بیر اوقووچی قبول قیلمهیدیلر و یالغیز معارف چوکاتیده بولگن مکتبلرنینگ اوقیتووچیلرینی یخشی تربیهلش خصوصیده فعالیت قیلهدیلر.
سیدجمالالدین افغان اوقیتووچیلرنی تربیهلش مؤسسهسینینگ اوقیتووچیلرینی تقدیری نیمه بولهدی و ناراضیلیکلری یکونلنهدیمی یا-ده یوق؟ دیگن سوراققه جواب معارف وزیرلیگی سرپرستینینگ ایتیشیچه، مسئله گه مسؤول ادارهلر و رسمیلرنینگ تیکشیروولریدن سونگ قولگه کیریتیلگن نتیجه اساسیده، چمهسی باشقه 10 ییلگچه اوقیتووچیلرنی تربیهلش مؤسسهلری اینیقسه سیدجمالالدین افغان اوقیتووچیلرنی تربیهلش مؤسسهسی ارتقا بیریلیشی خصوصیده قرار قیلینمهیدی.
شو توغریده…
بلخی گه کوره، سیدجمالالدین افغان اوقیتووچیلرنی تربیهلش مؤسسهسینینگ درسی برنامهسی حمل آییده عادی شکلده باشلنهدی.
معارف وزیرلیگی سرپرستینینگ ایتیشیچه، حاضر معارف تشکیلاتیده 12- صنفنی بیتتیرگن 70 مینگ اوقیتووچی موجود و اولرنینگ ظرفیتینی کوتریش کیرهک و اوقیتووچیلرنینگ ظرفیتینی کوتریش برنامهسی اوقیتووچیلرنی تربیهلش مؤسسهلری تامانیدن عملگه آشیریلهدی.
