اجتماعی ترماقلرده قولمهقول بولگن بیر ویدیو ده کانکور سیناویده اشتراک قیله آلمهگن بدخشانلیک بیرقطار یاش قیزلر مملکت جمهور رئیسیدن اولرنینگ بیلیم یورتلرگه یول تاپیشلری اوچون زمینه یرهتیشینی سورهگنلر.
بدخشان ولایتیده محلی منبعلرنینگ ایتیشلریچه، اوشبو ولایت نینگ نسی درواز تومنیده طالبان نینگ قرشیلیگی سبب، اونلرچه قیز اوقووچی کانکور سیناویدن محروم قالگن.
بدخشان ولایتی نینگ نسی درواز تومنیدن محلی بیر منبع نینگ سلاموطندارگه ایتیشیچه، مذکور تومنده کانکور سیناویدن محروم قالگن قیز اوقووچیلرنینگ سانی 80 کیشیگه ییتیشهدی.
بدخشان حاکمی سوزلاوچیسی ثناالله روحانی نینگ ایتیشیچه، طالبان گروهی کانکور سیناویده اشتراک قیلیش مقصد ده اویدن چیقگن قیز اوقووچیلرنی، کانکور سیناویده اشتراک قیلگن صورتده، آتهلرینی 100 مینگ افغانی جریمه قیلیشنی بیلدیرگن.
جناب روحانی نینگ ایتیشیچه، هر ییل کانکور سیناوی نینگ بیر حوزهسی نسی تومنیده یولگه قویلهریدی، بیراق جاری ییلده طالبان نینگ حضوری سبب، مذکور تومنده کانکور سیناوی اوتکزیلمهگن و قیز اوقووچیلرنی کانکور سیناویگه اشتراک قیلیش اوچون شکی تومنیده باریشلری کیرهک ایدی.
بدخشان مدنی فعاللریدن بیری استوری یزدانپرست نینگ ایتیشیچه، نسی تومنی نینگ کوپ قطار منطقهلری طالبان نظارتیگه دیر.
بدخشان بیرقطار یاشلری و مدنی فعاللری « قیزلردن تعلیم حقینی آلمنگ» نامیده بیر کمپاین یولگه قوییب طالبان گروهیدن قیز اوقووچیلرنی کانکور سیناویده اشتراک قیلیشلریگه توسیق بولمهیشلرینی سورهگنلر.
طالبان سوزلاوچیسی ذبیحالله مجاهد بوتوغریده معلوماتی یوقلیگینی بیلدیرگن.
