انساننینگ یاشی یوقاری کیتگنده تجربه و بیلیمی هم کوپَیهدی، بیراق قووتی کمهییب و حافظهسی کوچسیزلنهدی. استرالیا ملبورن بیلیم یورتیده 40 یاشردن یوقاری 3500 عیال و 3000 ایرکک اوستیدن اوتکزیلگن تدقیقات گه کوره، بو یاشده بولگن کیشیلر اوچون هفتهده 30 ساعت ایش یخشی تانیش عملیگه یاردم بیرهدی.
اوشبو تدقیقاتنی کورسهتیشیچه، هفتهده 55 ساعتدن آرتیق ایش قیلهدیگن کیشیلرنینگ تانیش عملی آز ایش قیلهدیگن کیشیلرگه نسبَتَن تیزراق آزهیهدی. دیمک یاشلی کیشیلرده ایریم فکری عکسالعمل و تحرکی قابلیتلر میزانی آشهدی؛ بو جملهدن پازل و متقاطع کلیمهلر جدولی حل ایتیلیشیگه اشاره قیلینهدی.
پروفیسور امسی کینزینینگ ایتیشیچه، مملکتلردن کوپینچهسی تقاعد یاشینی کوپهیتیریش اوچون حرکت قیلهدیلر؛ بو سیاست انسانلر کوپراق ایش قیلیشیگه باسیم کیریتهدی.
جناب کینزینینگ ایشانچیگه کوره، کوپ ایش قیلیش و فکری نقطهی نظردن مغزنی فعال سقلش آرهسیده کیچیک چیگره موجود. کوپ ایش قیلیش شاشیلینچ و روحی کسللیکلر تاپیلیشیگه سبب بولهدی. مذکور داکترنینگ اورغولشیچه، یاشلی کیشیلر کونده 4 ساعتدن آرتیق ایش قیلمسلری کیرهک.
40 یاشردن یوقاری کیشیلر اوچون یریم کون ایش قیلیش مغز فعال بولیشیگه سبب بولیب و اولرنینگ زیریکماقدن اوزاق سقلهیدی.
