افغانستان معارف وزیری اسدالله حنیف بلخی بوگون (چهارشنبه) کابلده اوتکزیلگن بیر ییغینده 2 میلیون 350 مینگ بهالی 10 شرطنامهگه قول قویدی. سواد اورگهتیش کورسلر، سیناوگه تیارلیک آلیش، انگلیس تیلینی اورگهنیش، صحی خذمتلرنی اورگهتیش، عیاللر قابلیتینی آشیریش، کسب اورگهنیش اوچون کورسلر آچیش و مکتبلرنی اوقو قوراللری بیلن جهازلشدن عبارت شرطنامهگه قطار نا دولت تشکلاتلر بیلن قول قویگن.
جناب بلخی، تعلیم و تربیه اوچون صرفلنه دیگن مبلغ درست بیر شکلده خرج بولیشی اوستیده علحیده تاکید ایتگن.
شونینگدیک مملکت معارف وزیری بو بولیمگه همکارلیک قیلهدیگن نا دولت تشکیلاتلردن معارف وزیرلیگیگه جدی همکارلیک قیلیشلرینی سورهگن.
عین حالده، ییغینده اشتراک قیلگن معارف وزیرلیگیگه یاردم کورسته دیگن نا دولت تشکیلاتلرنینگ نمایندهلری مملکت اورگهتیش تیزیمی یخشی لهنیشی اوچون کیلهجکلرده هم همکارلیک قیلیش وعدهسینی بیرگنلر.
