بوگون «شنبه» کابلده حکومت بلند مرتبهلی رسمیلری، بیات بنیادی و افغانستان-امریکا بیلیم یورتی مسؤولرینینگ حضوریده، مذکور بیلیم یورتده «بیات تکنالوژی انستیتوتی» آچیلدی.
افغانستان-امریکا بیلیم یورتی باشلیغی کنت هلند، افغانستانده بیلیم و فناورلیک ترقیاتی و رواجلنیشی اوچون بیات تکنالوژی انستیتوتی قوریلیشینی اونملی بیلیب ایتیشیچه، بیزلر 10 ییل اوچون، بیات انستیتوتی عملیاتیدن حمایت قیلیش اوچون هر ییل 100 مینگ دالر قولگه کیریتهمیز و شونینگدیک، ییلده 15 طلبه گه بورس بیرهمیز.
بیات بنیادی باشلیغی احسانالله بیاتنینگ ایتیشیچه، اوشبو انستیتوت ده اوقووچیلر ساینس و کمپیوتر ساینس بولیملریده درس اوقیدیلر و بو انستیتوت اوقووچیلر اوچون تدقیقات و عصری تعلیمات گه زمینه یرهتهدی.
بوندن باشقه، جناب بیات افغانستان-امریکا بیلیم یورتی گه 1 میلیون دالر یاردم بیریشینی خبر بیردی.
شونینگدیک، افغانستان حکومتینینگ رسمیلری، بیات تکنالوژی انستیتوتی قوریلیشی نی تعلیمات خصوصیده، کته بیر فرصت بیلیب و سوداگرلردن بو ایش گه سهم آلیشلرینی سورهدی.
