بوگون (پنجشنبه ۳- میزان) کابل ده کانکور سیناو نتیجهسینی اعلام قیلیش اوچون یولگه قوییلگن خبری ییغینده، عالی اوقوو وزیرلیگی سرپرستی عباس بصیر نینگ ایتیشیچه، ییل ده کانکور دواطلبلریدن ۱۰ فایزدن آرتیغی عالی اوقوو موسسهلریگه یول تاپه آلهدیلر.
عالی اوقوو وزیرلیگی مسئوللری، جذب قیلیش ظرفیتی نی یوقاری ایلتیش اوچون سرمایه یاتقیزیلیشی نی سورهگن.
کانکور سیناولری ملی اداره سرپرستی پوهاند عبدالقدیر خموش، کانکور سیناو نتیجهسینی اعلام قیلیب ایتیشیچه، بو ییل کانکور سیناوی گه ۲۳۰ مینگدن آرتیق کیشی شرکت قیلگن.
جناب خموش گه کوره، ۱۲- صنف فارغلریدن ۱۷۸ مینگ ۴۳۲ کیشی کانکور گه شرکت قیلگن کیم بولردن ۶۶ مینگ ۹۵ کیشی دولتی عالی اوقوو موسسهلریگه، ۱۵۲ مینگ ۶۹ کیشی دولتی یریم عالی اوقوو موسسهلریگه و شونینگدیک ۸۸ مینگ و ۸۰۸ کیشی خصوصی عالی اوقوو موسسهلریگه تانیشتیریلهدی.
جناب خموش نینگ کوپهیتیریشیچه، مملکت دن تشقی بولگن ۳۰۰ دن آرتیق دواطلب هر ییل کانکور سیناوی گه شرکت قیله آلهدی.
بو ییل کانکور سیناوی ده «شمسیه» ناملی بیر قیز ۳۵۳.۱۸۵ نمره بیلن بیرینچی اورین گه قرار تاپیب و کابل بیلیم یورتی نینگ طب فاکولتهسیگه یول تاپگن.
نعمتالله ۳۵۳.۱۳۳ نمره بیلن ایکینچی اورین گه قرار تاپگن و محمد مجتبا ۳۵۰.۰۶۱ نمره بیلن اوچینچی اورین گه قرار تاپیب و بو ایکی کیشی هم کابل بیلم یورتی نینگ طب فاکولتهسیگه یول تاپیشگن.
کانکور سیناو غالبلریگه ۱۲۲ بورسیه نظر گه آلینگن کیم ۲۰ تهسی اوشبو سیناوده بیرینچی اورین دن ۲۰- اورین گچه قرار تاپگن کیشیلرگه و قالگنی ولایتلر بوییچه بیرینچی، ایکینچی و اوچینچی اورین گه قرار تاپگن کیشیلرگه بیریلیشی ممکن.
