.jpg)
کابلده بولگن مکتبلردن بیریگه درسی مضمونلر چکهسیده، رباتیک مضمونی هم تدریس ایتیلهدی.
بوگون "چهارشنبه" اوشبو مکتب اوقووچیلری رباتیک کورگزمهسی یولگنلر. مذکور مکتبنی مسووللری و اوقیتووچیلرینینگ ایتیشیچه، رباتیک مضمونینینگ تدریس ایتیلیشی خلاقیت و اوقووچیلرنی ترغیبلش خصوصیده ایجابی تاثیر قویهدی.
مذکور مکتبنینگ اساسچی و مدیری بشیراحمد رضایینینگ سلاموطندارگه ایتیشیچه، رباتیک مضمونی بیرینچی صنف دن 7- صنف گهقدر بوتون اوقووچیلرگه تدریس ایتیلهدی. جناب رضایینینگ ایتیشیچه، رباتیک مضمونی زمانی بیلیمگه شامل بولیب و افغانستاننینگ اوشبو مضمونگه نیازی بار.
جناب رضاییگه کوره، ربات توزهتیش اسکونهلرینی باشقه مملکتلردن ساتیب آلهدیلر و افغانستان رباتیک اوی نینگ همکارلیگی بیلن اوشبو مضمونی اوقووچیلرگه تدریس قیلهدیلر.
مذکور مکتب مدیرینینگ ایتیشیچه، حاضرگهقدر 2 یوز مینگ افغانیگه ربات توزهتیش اسکونهلرینی ساتیب آلگنلر.
.jpg)
اوشبو مکتب اوقووچیلرینینگ ایتیشیچه، رباتلرنی اوز خلاقیتلری و درسی کتابلری یوزی دن توزهتهدیلر.
اوقووچیلرنینگ ایتیشیچه، رباتیک مضمونی ذهنی خلاقیتلری اوچون تاثیرلی بولیب و اولرنی هرقندی ربات توزهتیش گه قادر قیلگن.
اوقووچیلرنینگ عایله اعضالری هم اوشبو مکتب حرکتینی خوش قرشیلب و اوشبو مضموننینگ بالهلرینی شوق بیلن درس اوقیشیگه سبب بولگن دیدیلر.
رباتیک بیلیمی افغانستانگه ینگی بولیب و کوپ قطار مکتبلرگه اوشبو مضمون تدریس ایتیلمهیدی؛ بیراق هرات ولایتیده فعالیت قیلهدیگن رباتیک گروهی قطار افتخاراتگه قولگه تاپگن.
