لوگر ولایتی نینگ بیر قنچه یشاووچیسی، جنگری طالبان اوتگن کون ولایت نینگ مرکزی پل علمده قیزلر باشلنغیچی مکتبی و باشقه بیر مکتب ایسه محمدآغه تومنیده اوقووچیلر یوزیگه باغلنگن دیدیلر.
ولایت والیسی نینگ سوزلاوچیسی سلیم صالح خبرنی تصدیقلب، اوشبو مکتبلرنینگ ایشیگی اوقووچیلر یوزیگه قیته آچیلیشی اوچون قوم بویوکلری همده معارف رسمیلری سعی وحرکت باشلهگنلر دیگن.
لوگر معارف ادارهسی نینگ سوزلاوچیسی شاپور عرب، محمد آغه تومنیدهگی مکتب بوتونلهی اوقووچیلر یوزیگه یاپیلمهگن، بلکه قیزلرنی آلتینچی صنفدن سونگ مکتب باریشی طالبان تامانیدن تعقیقلندی دیگن.
طالبان تامانی هنوزگچه بو خصوصده بیرار نرسه دیمهگن.
