بوگون چهارشنبه عالیاوقوو وزیری نجیبالله خواجهعمری 1396-1397 ییل کانکور سیناوینینگ نتیجهسی نی اعلان قیلدی.
بیرینچی مقاملرنی صاحب بولگن بولردن عبارت: تهمینه کابلنینگ افغان-ترک لیسهسیدن 353.446 نمبر آلیب، بیرینچی؛ محمدعمادالدین هراتنینگ اسلامی انقلاب لیسهسیدن 348.269 نمبر آلیب، ایکینچی و مختار بامیاننینگ دهسرخ لیسهسیدن 348.2 نمبر آلیب، اوچینچی.
عالیاوقوو وزیرینینگ ایتیشیچه، بو وزیرلیک بیرینچی مقامدن بیشینچی مقام گچه صاحب بولگنلرنی تحصیل اوچون تشقی مملکتلرده یوبارهدی.
عالیاوقوو وزیرلیگینینگ رقمی اساسیگه، مذکور سیناوده 175مینگ و 698 کیشی آتیلرینی قید ایتگن ایدیلر و بولردن 17مینگ و 59 کیشی کانکور سیناویده اشتراک قیلمهگن و باشقه 19مینگ و 237 کیشی ناکام قالگن.
کانکور سیناوینینگ کامیابلریدن، 47مینگ و 752 تهسی قیز و باشقه 91مینگ و 600 تهسی ایرکک دیر. عالی اوقوو وزیریگه کوره، عالی اوقوو موسسهلریگه یول تاپیش اوچون قویی نمبر 150 و اورتهعالی موسسهلر اوچون 140 نمبر تعیین ایتیلگن ایدی.
1396- ییلده مکتبدن فارغ بولگنلرنینگ کانکور سیناوی، 1397- ییل، 5- حملده ایریم ولایتلرده باشلندی و 1397- ییل، 4- اسدگچه دوام قیلدی.
