افغانستان اینیقسه باشکینت کابل شو کیچه-کونده جوده ایسیق بولگن. بیلیم دانلرنینگ ایتیشیچه، ایسیق هوا ایرکین شکلده انساننینگ خصوصیاتی گه تأثیر قیلهدی و بو تأثیر ایریم پیتلر خودکشلیککه سبب بولهدی.
کالیفورنیا بیلیم یورتینینگ بیلیم دانلرینی ایتیشیچه، اقلیم اوزگریشی ایرکین شکلده خودکشلیککه سبب بولمهیدی، بیراق ایسیق هوا باعث بولگن روحی کسللیکلر انساننی اوزی گه زیان ییتکزیشگه مجبور قیلهدی. بیلیم دانلرنینگ کوپهیتیریشیچه، ایسیق هوا ایرکین صورتده، انساننینگ خصوصیاتی گه تأثیر قویهدی.
سونگی تدقیقاتلرگه کوره، موسوم اوزگریشی بیلن خودکشلیک هم کوپیهدی.
اوشبو تدقیقاتده بیلیم دانلر انساننینگ روحی ساغلیگی و ایسیق درجهسی کوپهییشی آرهسیده سلبی علاقه تاپگن؛ دیمک ایسیق درجهسی کوپهیگن صورتده، انساننینگ روحی ساغلیگی آزهیهدی.
کالیفورنیا بیلیم یورتینینگ بیلیم دانلریدن بیری پروفیسور سولومون هینگ نینگ ایتیشیچه، «بیزلر نیچه ییل ایسیق هوا و زورهوانلیک و پرخاشگرلیک علاقهسینی مطالعه قیلدیک و قولگه کیریتگن معلوماتیمیز اساسیده، انسان ایسیق هوا ده کوپراق پرخاشگر بولهدی، بیراق سونگی پیتلرده انسانلر اوزلریگه زیان ییتکزیش خصوصیده، حرکت قیلهدیلر.» اونگه کوره، ایسیقلیک درجهسی یوقاری کیتگن صورتده، روحی ساغلیککه زیان ییتکیزهدی و انساننی خودکشلیککه مجبور قیلهدی.
بیلیم دانلر تامانیدن قولگه کیریتیلگن معلومات اساسیده، ایسیق هوا درجهسی یوقاری کیتگنی نتیجهسیده، یالغیز امریکاده خودکشلیک میزانی 0.7% و مکسیکوده 2.1% کوپهیگن. تخمینلر اساسیده، ایسیق هوا درجهسی یوقاری کیتگن صورتده، میلادی 2050- ییلگچه بو رقم امریکاده 21% گه کوپهییشی ممکن.
اوشبو تدقیقات نتیجهسی دنیا اقلیم اوزگریش و طبیعت ژورنالیده ترقهتیلگن.
