سیانان تامانیدن بیریلگن گزارش گه کوره، آمریکا-افغانستان بیلیم یورتی نینگ رهبرلیگی بودجه کیسیلیشیدن خواطرده بولگنی باعث، اوشبو بیلیم یورت نینگ میلادی 2020- ییلده یاپیش اوچون لایحه توزهتماقده.
سیانان گه صحبت بیرگن منبع نینگ ایتیشیچه، آمریکا-افغانستان بیلیم یورتینینگ بودجهسیدن بیر قسمینی تأمینلاوچی آمریکا قوشمه ایالتلرینینگ خلق ارا رواجلنتیریش ادارهسی یا-ده «USAID» کیلهجک ییلده یاردملرینی کیسیشی ممکن.
مذکور اداره آمریکا-افغانستان بیلیم یورتینینگ اصلی حمایتچیلریدن بیری بولیب و اوشبو بیلیم یورت نینگ بودجهسیدن کمیده 60% نی تأمینلیدی.
آمریکا-افغانستان بیلیم یورتی باشلیغی دیوید سدنی نینگ سیانان گه ایتیشیچه، مذکور بیلیم یورت نینگ ییللیک بودجهسی کمیده 28 میلیون دالر بولهدی و قوشمه ایالتلری نینگ خلق ارا رواجلنتیریش ادارهسی حمایت قیلیشی خصوصیده ایشانچ بیرمهگن صورتده، بو بیلیم یورت فعالیتی گه دوام بیره آلمهیدی.
شو توغریده:
- آمریکا-افغانستان بیلیم یورتی نینگ ایکی استادی طالبان تامانیدن قوییب یوباریلدی
افغانستان-امریکا بیلیم یورتیدن 139 اوقووچی فارغ بولدی
آمریکا-افغانستان بیلیمیورتیده حاضر 800 افغانستانلیک اوقووچی لیسانس و ماسترلیک دورهسینی بیتیریش اوچون کوتیب تورگن.
مذکور گزارش گه کیلیشیچه، آمریکا-افغانستان بیلیمیورتی طلبهلری نینگ باشقه بیر ییرده تحصیل قیلیشلریگه یاردم بیریش اوچون سعی و حرکت قیلماقده.
آمریکا-افغانستان بیلیم یورتی میلادی 2006- ییلده ایجاد ایتیلدی. مذکور بیلیمیورت افغانستان بوییچه اینگ یخشی بیلیمیورتلردن بیری دیر کیم اونینگ اوقیتووچیلریدن کوپینچهسی غرب مملکتلریده تحصیل قیلگن.
مذکور بیلیمیورت نی بیتیرگن طلبهلردن کوپینچهسی افغانستان دولتی ادارهلریگه ایش گه آلینگن.
