بوگون «پنج‌شنبه» کابل‌ده خبری ییغین اوتکزگن افغانستان بوییچه بیرلشگن ملت‌لر تشکیلاتی‌نی اورین باسرلیک دفتری یا-ده یونامانینگ ایتیشیچه، افغانستان امنیتی کوچلری سیلاو کونی خوفسیزلیگی‌نی تأمین‌لش جریانیده سیاسی نقطه‌ی نظردن طرفسیزلیک‌لرینی سقله‌شی کیره‌ک.
افغانستان بوییچه بیرلشگن ملت‌لر تشکیلاتی‌نینگ باش کاتبی‌نی خاص نماینده‌سی تادامیچی یاماموتونینگ ایتیشیچه، افغانستان امنیتی کوچلری موجود قیین‌چیلیک‌لرگه قره‌مه‌ی جدی شکلده سیلاو خوفسیزلیگی‌نی تأمین‌له‌شی کیره‌ک و سیلاو خوفسیزلیگی جدی شکلده تأمین ایتیلگن صورتده، آواز بیرووچیلر قورقمس‌دن سیلاوده اشتراک قیلیب آواز بیره آله‌دیلر.
یوناما خبرنامه‌سینی باشقه بیر بولیمی‌ده کیلیشیچه، آواز بیرووچیلرنینگ برابریده نامزدلر و سیلاو مسؤوللری‌نینگ هر قنده‌ی باسقینی و زوره‌وانلیگی کیچیریلمس دیر.
سلام‌وطندارگه صحبت بیرگن ایچکی ایشلر وزیرلیگی سوزلاوچیسی‌نی اورین باسری نصرت رحیمی‌نینگ ایتیشیچه، برچه امنیتی اداره‌لر بیر-بیراوی بیلن اویغونلیک‌ده سیلاو کونی خوفسیزلیگی تأمین‌لنیشی اوچون فعالیت قیله‌دی و برچه آواز بیریش مرکزلرنینگ خوفسیزلیگی‌نی تأمین‌لیدی، بیراق سیلاو جریانیده اره‌لشمه‌یدی.
ایچکی ایشلر وزیرلیگی‌نینگ سوزلاوچیسی اورین باسری‌نی اورغولشیچه، خلق ارا تشکیلات‌لری و ایچکی اداره‌لرنینگ خواطرلری برطرف ایتیلیشی اوچون ایچکی ایشلر وزیرلیگی‌نینگ نظارتچی بولیم‌لری، پولیس کوچلری‌نینگ فعالیت‌لرینی نظارت قیله‌دی.
عین حالده، ایچکی ایشلر وزیرلیگی، اهالی، نامزدلرنینگ نظارتچی‌لری و خلق ارا نظارتچی‌لریدن پولیس کوچلری‌نینگ ناتوغری حرکت‌لریگه دوچ کیلگن صورتده، مذکور وزیرلیک‌نی توغریدن توغری جریان گه قوییش‌لرینی سوره‌گن.
