جمهورلیک ریاست سیلاوی نینگ نامزدلریدن بیرقطاری، سیلاو کمپاینلری دوامیده هرات، بلخ و بامیان ولایتلریگه باریشگن.
افغانستان جمهور رئیسی و جمهورلیک ریاست سیلاوی نینگ نامزدلریدن بیری محمداشرف غنی، سیلاو کمپاینلری دوامیده بوگون بلخ ولایتی گه بارگن.
مزارشریف شهریده طرفدارلری آرهسیده نطق سوزلهگن جناب غنی نینگ ایتیشیچه، بلخ ولایتی نینگ افغانستان نی صادراتی بندرلریدن بیری گه اوزگرتیرهدی.
حکومت اجراییه باشلیغی و جمهورلیک ریاست سیلاوی نینگ نامزدلریدن باشقه بیری عبدالله عبدالله، هرات ولایتی گه باریب طرفدارلری آرهسیده ایتیشیچه، سیلاوده یوتوققه ایریشگن صورتده، هرات ولایتیده نیچه اونملی پروژهنی عمل گه آشیرهدی.
شونینگدیک، کابلده جمهورلیک ریاست سیلاوی نینگ نامزدلریدن بیری گلبدین حکمتیارنینگ ایتیشیچه، سیلاو شفاف شکلده یولگه قوییلگن صورتده، یوتوققه ایریشهدی. جناب حکمتیار، حکومت و چیتایللیک کوچلردن خلق آوازی گه حرمت قایل بولیب و سیلاوده ارهلشمهسینی سورهگن.
جمهورلیک ریاست سیلاوی نینگ نامزدلریدن باشقه بیری رحمتالله نبیل، بامیان ولایتی گه باریب طرفدارلری نینگ آرهسیده نطق سوزلب ایتیشیچه، حکومت رهبرلری اوتمیشلرده یشاوچیلرنی الدهشگن و سوزلریگه صادق بولمهگنلر.
جمهورلیک ریاست سیلاوی کیلهجک 3 کون گچه 6- میزان ده یولگه قوییلهدی، بیراق جمهورلیک ریاست سیلاوی نینگ نامزدلریدن بیرقطاری، بو سیلاوده کینگ تقلب بولیشیدن خواطر بیلدیرماقدهلر.
