بوگون «پنجشنبه، 14- قوس» کابلده خبری ییغین اوتکزگن جمهورلیک ریاست سیلاوی نینگ نامزدلریدن بیری رحمتالله نبیل نینگ ایتیشیچه، 91- کُدنینگ بوتون بودجهسی جمهورلیک ریاست سیلاوی نینگ کمپاینلریده صرفلنگن. نبیل گه کوره، سیلاو کمپاینلری جریانیده فسادپیشهلردن بیرقطاری هم قماقخانهدن قوییب یوباریلگن.
او، سابق کابل بانک سهمدارلریدن بیری خلیلالله فیروزی قوییب یوباریلگنی گه اشاره قیلیب ایتیشیچه، فیروزی بیر معامله اساسیده، حبسدن قوییب یوباریلگن.
رحمتالله نبیل نینگ ایتیشیچه، بو سوزلری توغریسیده حجتی بار و طرفسیز محکمه یولگه قوییلگن صورتده، اولرنی ارایه قیلهدی.
نبیل نینگ کوپهیتیریشیچه، حاضر مملکت هر نقطهی نظردن قیینچیلیککه روپهره بولگن و حکومت تینچلیک سوزلشوولری اوچون بیر هیأت اوستیگه کیلیشه آلمهیدی.
جمهورلیک ریاست سیلاوی نینگ اوشبو نامزدی نی سیلاو جریانی توغریسیده ایتیشیچه، سیلاو ایرکین کمیسیونی یراقلی آوازلرنی یراقسیز آوازلردن اجرهته آلمهگن صورتده، «کیچیش حکومت» ریجهسینی افغانستان گه تکلیف قیلهدی.
رحمتالله نبیل، بو ریجهنی افغانستان سیلاوی نینگ قیینچیلیگینی اساسی کلیدی بیلیب ایتیشیچه، بو حکومت طرفسیز بیر کیشی تامانیدن باشقریلیشی کیرهک.
عین حالده، جناب نبیل جمهورلیک ریاست سیلاوی نینگ بوتون نامزدلری و مملکت سیاستچیلریدن سیلاو توغریسیده قربانلیککه تَن بیریشلرینی سورهگن.
اوشبو موضوع توغریسیده جمهورلیک ریاست سرایی نینگ فکرینی اورگهنیش اوچون علاقه قوردیک، بیراق جمهورلیک ریاست سوزلاوچیسی نینگ اورین باسری لطیف محمود، سوراقلریمیزگه جواب بیرمهدی.
شو توغریده…
نبیل: ولایتلردن بیرقطارینینگ والیلری اشرف غنینینگ نفعیگه تقلب قیلیشگن
