بوگون «چهارشنبه» کابلده خبری بیر ییغین یولگه قویگن افغانستان مدنی جماعهچیلیک فدراسیونینین ادعا قیلیشیچه، حکومت «افغانستان اوچون دموکراسی» نامیده بیر قوریلمه ایجاد قیلیب و نمایندهلر کینگشیگه 150 طرفداری و اوزی ایستهگن نمایندهنی یوباریش اوچون سعی و حرکت قیلهدی؛ بو ایشنی مذکور فدراسیون قانون گه قرشی دیب بیلهدی.
اوشبو فدراسیون باشلیغی سید صدیق انصارینینگ ایتیشیچه، جمهورلیک ریاستی بیلن اجراییه ریاستی، مقصدلرینی ایزلب و ایشلرینی قیلهدیگن نامزدلرنی سیاسی و مالی حمایت قیلهدی.
اوشبو ییغینده مدنی جماعهچیلیک فدراسیونی بیر شرطنامه صادر قیلیب سیلاولر ایرکین کمیسیونینینگ ایشلاوچیلری ناتوغری شکلده تنلنگی و مذکور کمیسیون کمیشنری وسیمه بادغیسینینگ حرکتیدن تنقید قیلیب و نمایندهلر کینگشی سیلاوینینگ احتمالی نامزدلریدن بیرقطارینینگ آتی چیقاریلگنی توغریسیده سیلاولر شکایتلریگه تینگلش کمسیونینینگ حرکتیدن حمایت بیلدیرگن.
بونگه قوشیمچه، مذکور فدراسیون سیلاولر شکایتلریگه تینگلش کمیسیونیدن وسیمه بادغیسینینگ ایناغهسی ایوب آرویننینگ آتی نامزدلرنی رویخطیدن چیقاریلیشینی سورهگن.
عین حالده، سلاموطندارگه صحبت بیرگن جمهورلیک ریاستی سوزلاوچیسی اورین باسری شاهحسین مرتضوی، آچیق شکلده مدنی جماعهچیلیک فدراسیونینینگ ادعاسی توغریسیده هیچ نرسه دیمهیدی، بیراق اورغولشیچه، جمهور رئیس هیچ قچان سیلاو ایشلریگه ارهلشمهیدی.
جمهورلیک ریاستی بوندن آلدین هم نیچه مرته سیلاولر کمیسیونینینگ ایشلریگه ارهلشیشگه عیبلنگن ایدی. بیراق جمهورلیک ریاستینینگ سوزلاوچیلری، هر بیر مرته بو ادعالرنی رد قیلگن.
