ناتو تشکیلاتی نینگ باشکاتبی ینس استولتنبرگ نینگ ایتیشیچه، چیتایللیک کوچلر افغانستانده قالیشی یا-ده چیقیشی تینچلیک خصوصیده مذاکره قیلهدیگنلرنینگ آرهسیده قول قوییلهدیگن کیلیشووگه باغلیق بولگن.
ناتو باشکاتبی نینگ کوپهیتیریشیچه: «افغانستانده حضوریمیز توغریسیده سوزلش اوچون حاضر وقت دیر، چونکه تینچلیک کیلیشووینینگ محتواسی نابیللی دیر.»
اونگه کوره، ناتو و متحدلری تینچلیک پروسهسیدن حمایت قیلیش اوچون تیار دیر و اولرنینگ توشونچهسیگه کوره، طالبلر اوروش میدانیده غالب چیقمسلیکلرینی توشونگن.
جناب استولتنرگ گه کوره، افغانستان وضعیتی حاضرگه قدر خواطرلنترووچی دیر، بیراق اولر افغانستانده تینچلیک تأمین ایتیلیشی اوچون بیر یخشی فرصت گه گواه دیر.
شونینگدیک ناتو باشکاتبی نینگ ایتیشیچه، افغانستان قوشنیلری و منطقه مملکتلری تینچلیک پروسهسیدن حمایت بیلدیریب و اوشبو پروسه گه همکارلیک قیلهدیلر.
شو توغریده:
ناتو: افغانستان عملیاتی لحاظ دن بیرینچی اورینگه قرار تاپگن
ناتو تشکیلاتی 2020- ییلدن کیین هم افغان امنیتی کوچلریدن حمایت قیلهدی
خلیلزاد: آمریکا و ناتو افغانستاندن چیقیش اوچون بیرگه قرار قیلهدی
اونگه کوره، پاکستان و روسیه شامل برچه مملکتلر افغانستانده اوروش یکونلنیشی نی سورهب و اوشبو مملکت ترورچیلر اویهسیگه اوزگریشی نی ایستمهیدیلر.
ناتو باشکاتبی افغانستان جمهورلیک ریاستی سیلاوی آرتده قالگنی توغریسیده ایتیشیچه، بو موضوع اوشبو مملکت نینگ ایچکی مسئلهسی دیر و مذکور مملکت یشاوچیلری بو توغریده قرار آلیشلری کیرهک.
ناتو مدافعه وزیرلری و شریکلری نینگ ییغینی جاری هفته چهارشنبه و پنجشنبه کونی بلجیم باشکنتی بروکسل گه جایلشگن مذکور تشکیلات نینگ بناسیده یولگه قوییلیشی گه قرار قیلینگن.
افغانستان وضعیتی و اوشبو تشکیلات عسکرلری نینگ حضوری مذکور ییغینده بحث گه آلینهدیگن موضوعلردن دیر.
