.jpg)
سونگی آیلرده دولت بلند مرتبهلی لوازملریده یاش عیاللرنی تعیینلش کوپهیگن. اوشبو تعیینلشلر کوپلب حساسیت اویغاتیب و کوپینچه تنقیدلرگه روپهره بولگن. تنقیدچیلردن بیرقطارینینگ ایتیشیچه، بو تعیینلشلردن کوپینچهسی شخصی سلیقهلر و علاقهدارلیکلرگه باغلیق بولگن و باشقه بیر قطاری هم ینگی تعیین ایتیلگن کیشیلرنینگ تجربهسیزلیکلرینی نشانگه آلهدیلر.
بیراق، عیاللر حقوقی فعاللریدن بیرقطارینینگ ایتیشیچه، بو تعیینلشلر یخشی توشونیلیشی کیرهک، چونکه عیاللرنینگ اورنی اثباتلنیشی اوچون یخشی فرصت دیر.
عیاللر حقوقی فعاللریدن بیری لطیفه بیگنژادنینگ ایتیشیچه، عیاللر بو فرصتلردن فایدهلنیب دولت بند مرتبهلی لوازملریده ایشلب و مؤفق بولیشلرینی اثباتلهشی کیرهک.
عیاللر حقوقی فعاللریدن باشقه بیری زهرا سپهرنینگ ایتیشیچه، عیاللر هردایم تنقیدگه دوچ کیلگن و ایتیلیشیچه، نمایشی شکلده دولت بلند مرتبهلی لوازملریده تعیین ایتیلهدیلر. خانم سپهرنینگ ایشانچی گه کوره، افغانستانده دولت بلند مرتبهلی پستلریده ایش قیلیب و تجربه قولگه کیرتیش اوچون عیاللرگه آز فرصت بیریلهدی.
مملکت یاش عیاللریدن بیری حسنا جلیل، ایچکی ایشلر وزیرلیگینینگ پالیسی اورین باسری صفتیده تعیین ایتیلگنیدن سونگ، اجتماعی ترماقلرنی ایشلاوچیلریدن بیرقطارینینگ ایتیشیچه، ملی بیرلیک حکومتیدهگی تعیینلشلر لیاقت اساسیده ایمس، بلکیم سلیقه و علاقهدار یوزهسیدن بولهدی. شونینگدیک، اوشبو ایشلاوچیلر خانم جلیلنینگ یاشی و متخصصلیگیدن تنقید قیلیب ایتیشیچه، ایچکی ایشلر وزیرلیگینینگ بوندهی بلند مرتبهلی لوازمیده اونینگ نهفقط یاشی، بلکیم تخصصی هم شرایط گه ماس ایمس دیر.
باشقه تاماندن، اجتماعی ترماق ایشلاوچیلریدن بیرقطارینینگ ایتیشیچه، استراتیژی و پالیسی اورین باسرلیگی ملکی بیر بست بولگنی اوچون هر کیم بو پستده ایشله آلهدی. عین حالده، ایچکی ایشلر وزیرلیگینی استراتیژی و پالیسی اورین باسری خانم حسنا جلیل نینگ ایتیشیچه، ملی بیرلیک حکومتیده اوندن آلدین هم کوپینچه عیاللر فعالیت قیلگن و ایریم بولیملرده کوپینچه یوتوقلر قولگه کیریتگنلر.
.jpg)
خانم جلیل نینگ اونگه قرهتیلگن تنقیدلر توغریسیده ایتیشیچه، پالیسی و استراتیژی اورین باسرلیگی ملکی بیر بست بولگنی اوچون او کانلر و پترولیم وزیرلیگیده کسب ایتگن ایش تجربهلریدن فایدهلنیب بو پستده مؤفق بولیشی کیرهک.
دولت بلند مرتبهلی لوازملریده یاشلر تعیین ایتیلیشی، ملی بیرلیک حکومتینینگ سوزلریدن بیری ایدی، بیراق ایتیلیشیچه، دولت بلند مرتبهلی پستلریده یاشلر اینیقسه یاش عیاللر تعیین ایتیلیشی، کیلهجک جمهورلیک ریاستی سیلاوی اوچون جمهور رئیس غنینینگ سیلاو کمپاینلرینی بیر بولیمی دییلهدی.
جمهورلیک ریاستی سوزلاوچیسینی اورین باسری شاهحسین مرتضوی، بو بیاناتلرنی رد قیلیب ایتیشیچه، افغانستان حکومتی عیاللرنینگ حقوقینی تأمین قیلهدی و مدیریت پستلریده عیاللرنی تعیینلش اولرنینگ حقی دیر.
عالی اوقوو وزیرلیگینی سرپرستی حسینه صافی، صنعت و سوداگرلیک وزیرلیگینی سرپرستی کامله صدیقی، آمریکا بوییچه افغانستان ایلچیسی رویا رحمانی، بدخشان ولایتیده عیاللر ریاستینی باشلیغی الینا غیاثی و ایچکی ایشلر وزیرلیگینینگ استراتیژی و پالیسی اورین باسری حسنا جلیل سونگی آیلر دولت بلند مرتبهلی پستلرده تعیین ایتیلگن عیاللر سنلهدی.
