.jpg)
ناتو افغانستاندن میلادی 2024- ییلگچه حمایت قیلهدی. بروکسلده ناتو باش کاتبی ینس استولتنبرگنینگ ایتیشیچه، مملکتنینگ هر بیر چیکهسیده یوز بیرهدیگن هجوملرده تینچ اهالی و حربی کوچلر هدف آلیشیگه قرهمهی افغانستان امنیتی کوچلری کوپینچه یوتوق قازانگن و بو یوتوقلر امنیتی کوچلر تامانیدن یولگه قوییلگن عملیاتلر و هوایی هجوملریده حس قیلینهدی.
جناب استولتنبرگ نینگ ایتیشیچه، ناتو تشکیلاتی گه اعضاء مملکتلرنینگ مدافعه وزیرلرینی بو دور قراری اساسیده، افغانستان گه بیریلهدیگن مالی و حربی یاردملر دوام ایتهدی. سونگی قرار ناتو تشکیلاتی باشلیغلرینینگ کیلهجک آی ییغینیده آلینیشی ممکن.
ناتو باش کاتبینینگ کوپهیتیریشیچه، ناتو افغانستاندن اصلاحات تأمین ایتیلیشی، فسادگه قرشی کورهش، انسان حقلری توغریسیده بولگن یوتوقلرنی سقلش، عصیانچیلیککه قرشی کورهش و تهدیدلر آلدی آلینیشی توغریسیده حمایت قیلهدی.
ینس استولتنبرگ افغانستان اوروشیده بیرقطار مملکتلرنینگ رولی گه اشاره قیلیب ایتیشیچه، ناتو مدافعه وزیرلرینینگ ییغینیده منطقهیی استراتیژی توغریسیده بحث قیلینگن و ناتو منطقه مملکتلریدن ملی بیرلیک حکومتدن حمایت قیلیشلرینی سورهگن.
شونینگدیک، اوشبو ییغینده امریکا مدافعه وزیری جیمز متیس اشتراک قیلگن. جناب متیسنینگ ایتیشیچه، ناتو مدافعه وزیرلرینینگ ییغینیده دموکراسی سقلهنیشی توغریسیده ایجابی قرارلر آلینگن و کلیدی قرارلر ناتو تشکیلاتی باشلیغلرینینگ ییغینیده آلینهدی.
امریکا مدافعه وزیری گه کوره، ناتو تشکیلاتی مدافعه وزیرلرینینگ بوگونکی ییغینیده، ناتونینگ 41 اعضاسی افغانستاندن حمایه قیلیشلری اوستیگه تأکید قیلگنلر.
.jpg)
اوربند؛ تینچلیککه زمینه یرهتیلیشی اوچون ایجابی آدیم سنلهدی
ناتو تشکیلاتینینگ مدافعه وزیرلرینی ییغینیده افغانستانلیک طالبلرنینگ برابریده افغانستان حکومتینینگ بیر تامانلمه و وقتینچهلیک اوربندی هم بحث گه آلینگن. ناتو تشکیلاتینینگ باش کاتبی، طالبلرنینگ برابریده حکومتنینگ اوربندینی «تکرارسیز و باتورلیک» دیب ایتیشیچه، حاضر طالبلر بو حرکت برابریده ایجابی یا-ده سلبی قرار قیلیشی کیرهک.
جناب متیسنینگ ایتیشیچه، طالبلردن ناتو ایستهگی بو اوربند بیلن کیلیشیب و مذاکره میزی اوستیده اولتیریشینی طلب قیلهدی. اونگه کوره، مذکور گروه بیلن افغانستان حکومتینینگ اوربندی دن حمایت قیلیشدن مقصد، بو مملکتده تینچلیک تأمینلنیشی اوچون زمینه یرهتیش دیر.
اوتگن کون «پنجشنبه» افغانستان جمهور رئیسی محمداشرف غنی، روزه آیینینگ 27- کونیدن باشلب روزه بیرم هییتینینگ 5- کونیگچه طالبلرنینگ برابریده اوربند اعلان قیلدی.
شونینگدیک، امریکا قوشمه ایالتلرینینگ مدافعه وزیری، طالبلرنینگ برابریده افغانستان حکومتینینگ اوربندی دن مقصد، تینچلیک تأمینلنیشی اوچون زمینه یرهتیش دیگن. او، طالبلرنینگ برابریده حکومت موضوعینی کوچلی بیلیب ایتیشیچه، قوراللی طالبلر قانلی هجوملرنی عمل گه آشیرگن، لیکن بو گروه برنامهلرینی عملگه آشیریش توغریسیده مؤفق بولمهگن و بو یوتوقسیزلیک، افغانستان امنیتی کوچلریگه ناتو و امریکا کوچلرینینگ همکارلیگینی نتیجهسی دیر.
ناتو تشکیلاتینینگ مدافعه وزیرلرینی ییغینیده، داعش برابریده خلق ارا کورهش، ناتو اعضالرینینگ خرجتی 2.2% کوپهییشی و یمان شرایط اوچون تیز یاردم ادارهلر ایجاد ایتیلیشی بحث گه آلینگن.
ناتو تشکیلاتینینگ مدافعه وزیرلرینی ییغینی بروکسلده مذکور تشکیلاتنینگ ینگی بِناسیده یولگه قوییلدی و اوشبو ییغینده افغانستان نمایندهلیگیدن مدافعه وزیر طارقشاه بهرامی و ملی خوفسیزلیک ریاستینینگ عمومی باشلیغی معصوم استانکزی اشتراک قیلگن.
