بوگون «یکشنبه» 54 یاشر جمعهخان کریمی آتلی کیشینینگ جسدی توپراققه تاپشیریلدی و بو کیشی اوتگن کون کابل ولایتی چهارقلعۀ چهاردهی بولیمی قلعۀ پخشک منطقهسیده سِرلی شکلده اولدیریلگن. عین حالده، اونینگ قرینداشلریدن بیرقطاری، قوراللی اوغیرلاوچیلیک، قتل و جنایی جرملر میزانی آشگنیدن خواطر بیلدیریب ایتیشیچه، خوفسیزلیک تأمینلنیشی توغریسیده امنیتی رسمیلرنینگ دقتسیزلیگی باعث، اولر سونگی نیچه آیده قرینداشلریدن 4 تهسینی قولدن بیریشگه گواه بولگنلر.
جمعهخاننینگ جییهنی جانمحمدنینگ ایتیشیچه، اوتگن کون ایرتهلب اَبهسی دُکانیگه نیاز بولگن نرسهلرنی ساتیب آلیب کیلیشی اوچون شهرگه تامان یول آلگن، بیراق بیر ساعت اوتمهی یرهلنگنی توغریسیده اولرگه خبر کیلگن. اونگه کوره، جمعهخان هیچ بیر کیشی و یا-ده گروه بیلن دوشمنلیک قیلمهگن.
شونینگدیک، بهادرخان منطقهسینی وکیلی حبیبالله بازلنینگ ایتیشیچه، جنایی جرملر میزانی آشگن، بیراق کورهشوو یولی اهالی اوچون آچیق دیر و حکومت آدم اولدیرووچی گروهلر آرقهلی اهالینینگ تینچ قیلیشنی توشونگن بولسه، خطا اویلهگن.
سلاموطندارگه صحبت بیرگن کابل پولیس قومندانلیگی سوزلاوچیسی بصیرمجاهدنینگ ایتیشیچه، پولیس تامانیدن تیرگاو باشلنگن. جناب مجاهدگه کوره، شهرده امنیتی قیینچلیکلر موجود، بیراق اولر جنایتچیلرنی قولگه آلیش اوچون سعی و حرکت قیلهدیلر.
کابل پولیس قومندانلیگی، ممکلت باشکینتیده جنایی جرملر 50 فایز کمهیگنیدن خبر بیرگن چاغیده، جنایی جرملر کوپهیگنی توغریسیده خواطرلر چیققن.
عین حالده، کابل شهری چهارقعلۀ چهاردهی بولیمینینگ قلعۀ پخشک منطقهسی یشاوچیلرینینگ ایتیشیچه، اولرنینگ ایستکلریگه حکومت تامانیدن دقت بولمهگن صورتده، قانونی و مدنی حقلریدن فایدهلنهدیلر.
قتل، جنایی جرملر، قوراللی اوغیرلاوچیلیک و اولرنینگ نتیجهسی یالغیز کابلنینگ قلعۀ پخشک منطقهسیده خلاصه بولمهیدی؛ بلکیم کابلنینگ بوتون یشاوچیلرینی خواطرگه سالگن موضوعلردن دیر.
