د عدلیې وزارت او د کډوالۍ نړۍوال سازمان له لوري د انسانيقاچاق او کډوالۍ قاچاق له قربانیانو سره د بیا راستنېدنې مرستې ملي مکانیزم (NRM) او د انسانيقاچاق ځواب ویلو په موخه انلاین ډيټابیس پرانېستل شو.
د انسانيقاچاق او کډوالو قاچاق سره موثره مبارزه، د کډوالو قاچاق او انسانيقاچاق قربانیانو نه ملاتړ او د دولتي او غیردولتي ادارو ترمنځ د کډوالو او انسانيقاچاق قربانیانو سره د مرستې لهپاره د همغږۍ رامنځته کول؛ د دغه میکانیزم له موخو څخه دي.
د عدلیې وزارت ویاند امان ریاضت د دغه میکانیزم او ډیټابیس پرانېستو مراسمو کې وايي، د دغه ډیټابیس له لارې د انسانيقاچاق او کډوالو قاچاق قربانیانو او قاچاقیانو په اړه ټول معلومات ثبتېږي.
افغانستان کې د کډوالو نړۍوال سازمان استازی لورنس هارتس وايي، رسنۍ، مدني ټولنه او دینيعالمان د انسانيقاچاق ښکارندې سره مبارزه کې مهم رول لوبولی شي.
ښاغلی هارتس وايي، پولیس او عدلي او قضايي بنسټونه هم باید پوه شي چې د انسانيقاچاق او کډوالو قاچاق قربانیانو سره څنګه چلند وکړي.
د هغه په وینا، کهچېرې پولیس د انسانيقاچاق یوه قرباني سره مخ شي؛ باید ژر تر ژره اقدام وکړي او هغه خوندي ځای ته ولېږدوي.
د انسانيقاچاق او کډوالۍ قاچاق له قربانیانو سره د بیا راستنېدنې مرستې ملي مکانیزم (NRM)، د انسانيقاچاق او د کډوالو قاچاق سره د مبارزې قانون د ۵مې مادې اووم بند په مطابق جوړ شویدی.
افغانستان کې د کډوالۍ نړۍوال سازمان او همکارو بنسټونو موندنې ښيي چې د انسانيقاچاق او کډوالو قاچاق ډېری قربانیان ښځې او ماشومان دي.
