افغانستان تینچلیگی بوییچه آمریکا خاص نماینده‌سی زلمی خلیلزاد هند گه قیلگن سفریده ایتیشیچه، بو مملکت ترورچیلیک توغریسیده‌گی اوز خواطرلرینی توغری شکلده طالبان بیلن شریک قیلیشی کیره‌ک.
او «د هندو» رسانه‌سی بیلن صحبت اوتکزیب ایتیشیچه، شونینگدیک هند رسمی‌لری بیلن اوتکزگن سوزلشووده، مذکور مملکت افغانستان تینچلیگی توغریسیده یخشی نقش آلیشی خصوصیده سوزله‌شگن.
خلیلزاد گه کوره، گرچند هند افغانستان ترقیاتی توغریسیده یخشی نقش ایشله‌گن، بیراق خلق‌ارا تینچلیک حرکت‌لری حقیده هیچ بیر نقش اوینمه‌گن.
عین حالده، افغانستان تینچلیگی بوییچه آمریکا خاص نماینده‌سی مذکور رسانه گه ایتیشیچه: «هند افغانستان ده کتته بیر کوچ دیر و اونینگ [هند-طالبان] اَره‌لشووی نی خوش قرشیله‌یدی، بونده‌ی بیر ایش بولگنده.»
اونینگ کوپه‌یتیریشیچه: «هند و طالبان آره‌سیده صحبت اوتکزیلیشی اونملی بولگنی توغریسیده ایشانچم کامل و شونینگدیک ترورچیلیک خصوصیده‌گی هند نینگ خواطرلری هم اونملی دیر کیم بو توغری شکلده شریک قیلینیشی کیره‌ک.»
خلیلزاد قطرده سفر قیلیب ملابرادر بیلن اوچره‌شگنیدن کیین، هند و اوندن کیین پاکستان تامان سفر قیلگن.
جناب خلیلزاد اوتگن کون پاکستان ده مذکور مملکت اردو مرکزی باشلیغی جنرال قمر باجوه بیلن اوچره‌شگن. او بو اوچره‌شووده منطقه خوفسیزلیگی و افغانستان تینچلیک پروسه‌سی حقیده سوزله‌شگن.
