7.7 درجهلی کوچلی ییر قیمیرلش افغانستان و منطقه مملکتلریدن بیرقطارینی تیترهتدی.
اوشبو ییر قیمیرلش مرکزی بدخشان ولایتی کران و منجان تومنی بولیب، مملکت ولایتلریدن کوپینچهسینی تیترهتگن.
مملکت شمالی ولایتلر و کابل یشاوچیلریدن بیرقطارینینگ ایتیشیچه، اوشبو ییر قیمیرلش تکرار سیز بولگن.
ایتیلیشیچه، اوشبو ییر قیمیرلش شمالی ولایتلردن بیرقطاری و باشقه ولایتلرگه جانی و مالی تلفات ییتکیزگن.
بو ییر قیمیرلش، تخار ولایتینینگ مرکزی تالقان شهری بیبی هاجره مکتبیده قیز اوقووچیلردن 10 تهسینینگ جانینی آلگن. مذکور اوقووچیلرنینگ جسدی تخار مرکزی کسلخانهسیگه انتقال بیریلگن.
ایتیلیشیچه، ییر قیمیرلش نتیجهسیده، کابل ولایتی بگرام تومنیده 18 اولتیریش اوی بوزیلگن.
بوگونکی ییر قیمیرلش نتیجهسیده، غزنی ولایتیدهگی 40 دروازهدن بیری ییقیلیب توشگن.
باشقه تاماندن ایتیلیشیچه، اوشبو ییر قیمیرلش پاکستان و هند مملکتلرینی هم تیترهتگن. پاکستان رسمیلرینینگ ایتیشیچه، بو ییر قیمیرلشگه بیش کیشی هلاک بولگن.
