تخار محلی حکومتی، سابق جهاد قومندانلرینینگ حضوری بیلن شهر کینگش نامیده بیر کینگش ایجاد قیلیب و اولردن طالبان گروهیگه قرشی قورال کوتریشلرینی سورهگن.
تخار محلی حکومتی مسووللریدن بیری نینگ کیملیگی سیرقالیشنی ایستهب سلاموطندارگه ایتیشیچه، تالقان شهری نیچه حوزه گه تقسیم ایتیلگن و اوشبو حوزهلر خوفسیزلیگینی تامینلش سابق جهاد قومندانلریگه تاپشیریلگن دیر.
منبع نینگ کوپهیتیریشیچه، طالبان گروهیگه قرشی قورال کوترگن کیشیلر ملی خوفسیزلیک ریاستی تامانیدن حمایت ایتیلهدی.
عینحالده، مردمی کوچلر قومندانلریدن بیری جنرال نجیبالله نینگ ایتیشیچه، تخار محلی حکومتی، جهاد قومندانلری و ولایتی کینگش اعضالریدن طالبان گروهیگه قرشی یاردم بیریشلرینی طلب قیلگن.
اونینگ ایتیشیچه، بهارک تومنی نینگ قطار بولیملریده طالبان هجوملری مردمی کوچلر تامانیدن کیینگه اوریلگن، بیراق اوشبو گروه تهدیدلریگه توسیق بولیش اوچون امنیتی کوچلر تامانیدن حربی عملیات یولگه قوییلیشی کیرهک.
مردمی کوچلر اوشبو قومندانیگه کوره، تخار سابق پولیس قومندانی حاجی آغاگل، قومندان آغایی، قومندان داوود، حاجی کریمالله و ارباب ولی تخار محلی حکومتی ایستهگی اساسیده قورال کوتاریب بهارک تومنیده جایلشگنلر.
تخار حاکمی سوزلاوچیسی جواد هجری نینگ ایتیشیچه، طالبان گروهیگه قرشی کورهشیش اوچون جهاد قومندانلر تاثرلی دیر و انهشوسبب، حکومت اولردن ایش آلهدی.
تخار حاکمی نینگ سوزلاوچیسیگه کوره، مردمی کوچلر فعالیتلرینی قانونی قیلیب و اولردن دولت گه قرشی قوراللی گروهلر برابریده ایش آلیش اوچون سعی و حرکتلرنینگ دوامی بار.
بیراق، تالقان شهری کینگش اورین باسری بصیربیک نینگ ایتیشیچه، ناقانونی قوراللی گروهلر کیلهجکلرده اهالی و حکومتگه قرشی جدی قیینچیلیککه اوزگریلهدی.
جناب بیک نینگ کوپهیتیریشیچه، حکومت اوتمیشلرده کوکچه اطرافیدهگی تومنلرده مردمی کوچلرنی تجهیزلنتیرگن ایدی، بیراق حاضرده کته قیینچیلیککه اوزگرگن دیر.
تخار یشاوچیلریدن بیرقطاری نینگ ایتیشیچه، طالبان هجوملریگه توسیق بولیش امنیتی کوچلر مسوولیتلریدن دیر.
