بلخ ولایتی نینگ دهدادی تومنیده بیر موترده جایلشتیریلگن ماین نینگ پارتلشی عاقبتیده، امنیتی کوچلردن بیرتهسی هلاک و باشقه 8 تهسی یرهلنگن.
بلخ پولیس قومندانلیگی سوزلاوچیسی عادلشاه عادل نینگ بو واقعهنی تصدیقلب ایتیشیچه، اوشبو پارتلش بوگون "شنبه" ایرتهلب ساعت 10:30 ده دهدادی تومنی نینگ «خاصهپز» منطقهسیده یوز بیرگن.
اونینگ ایتیشیچه، هجومچی موتریده جایلشتیرگن پارتلش ماده آرقهلی، ملی خوفسیزلیک ریاستیگه تیگیشلی بولگن قومندان محمدهاشم احمدزینی هدف آستیگه قرار بیرگن.
اونینگ کوپهیتیریشیچه، اوشبو واقعهده محمدهاشم احمدزی یرهلنگن.
بلخ پولیس قومندانلیگی سوزلاوچیسی نینگ ایتیشیچه، یرهلنگن کیشیلر مزارشریف شهری و بلخ تومنی کسلخانهلریگه انتقال بیریلگن.
حاضرگهقدر هیچبیر گروه بو واقعه مسوولیتینی بوینیگه آلمهگن.
