قطر ده حکومت نینگ مذاکرهچی هیأت اعضاسی محمدامین احمدی نینگ سلاموطندارگه ایتیشیچه، قرشی تامان تینچلیک سوزلشوولریده حکومت مذاکرهچیلری نینگ قیینچلیککه روپهرو قیلیش نی ایستهیدی، بیراق اولر تینچیلیککه ایریشیش اوچون بو قیینچیلیکلرگه قرشی تورهدیلر.
جناب احمدی نینگ کوپهیتیریشیچه، افغانستانلیکلرارا سوزلشوولرنینگ عمومی ییغینی ایکی تامان هیأت رئیسلری نینگ رهبرلیگیده یولگه قوییلهدی.
عین حالده، قطرده طالبان سیاسی دفتری سوزلاوچیسی محمدنعیم وردک نینگ ایتیشیچه، افغانستانلیکلرارا سوزلشوولرنینگ بیرینچی عمومی ییغینی یولگه قوییلیش قراری، اوتگن کون تماس گروهی نینگ ییغینیده آلینگن.
جناب وردک توییتر صحیفهسیده یازیشیچه، اوتگن کون شام چاغی تماس گروهلری آرهسیده ایکینچی ییغین بولیب اوتدی و بو ییغینده ایش اصولی و کیلهجک سوزلشوولر ییغینی نینگ تقسیم اوقاتی و سهشنبه کونی عمومی ییغین یولگه قوییلیشی گه قرار قیلینگن.
عین حالده، حکومت مذاکرهچی هیأت اعضاسی نادر نادری بوگون توییتر صحیفهسیده یازیشیچه، حکومت مذاکرهچی هیأت اعضاسی تکرار بیربیراولری بیلن اوچرهشیب و اوتگن کیچه یولگه قوییلگن ییغین اوستیگه بحث قیلگنلر.
جناب نادری نینگ کوپهیتیریشیچه، تینچلیک قیین دیر، بیراق ناممکن ایمس.
باشقه بیر تاماندن افغانستان تینچلیگی بوییچه آمریکا خاص نمایندهسی زلمی خلیلزاد، اوتگن کون اسلامآباد کیتدی و افغانستان تینچلیک پروسهسی و باشقه موضوعلر خصوصیده پاکستانلیک رسمیلر بیلن اوچرهشگن.
