نمایندهلر کینگشی بوگونکی عمومی ییغینیده 1396- ییل کیسکین حجتینی آواز آلیش گه قویدی؛ بیراق بو حجت موافق آواز آلمهدی. شونینگدیک، اوشبو ییغینیده نمایندهلر کینگشی تامانیدن آلینگن قرار اساسیده، بودجهلریدن 70% نی صرفلهآلمهگن وزیرلیکلرنینگ مسؤوللری استیضاح قیلینهدی.
نمایندهلر کینگشینینگ کیلیشووی گه کوره، ییل جریانیده ایشلریگه دقت قیلمهگن یا-ده قانون گه قرشی حرکت قیلگن رسمیلر و ادارهلر عدلی و قضایی ادارهلریگه تانیشتیریلهدی.
نمایندهلر کینگشینینگ مالی و بودجه کمیسیونی باشلیغی محمدعظیم محسنینینگ ایتیشیچه، عدلیه وزیرلیگی 65.66%، مخدره ماده گه قرشی کورهش وزیرلیگی 63%، سوو و برق وزیرلیگی 63.49%، فواید عامه وزیرلیگی 62.78%، مخابرات و معلومات وزیرلیگی 59.21%، مدنیت و معلومات وزیرلیگی 60.92%، کانلر و پترولیم وزیرلیگی 44.91%، معارف وزیرلیگی 35.57% و ترانسپورت وزیرلیگی 20.84% بودجهلرینی صرفلهگنلر.
اونگه کوره، حکومت ادارهلری اورته شکلده رواجلنتیریش بودجهلریدن یالغیز 67% نی صرف قیلگنلر.
نمایندهلر کینگشینینگ مالی و بودجه کمیسیونی باشلیغینینگ کوپهیتیریشیچه، افغانستاننینگ کمیده 30 ادارهسی بودجهلریدن 70% دن آزراغینی صرفلهگن.
نمایندهلر کینگشی اعضالریدن بیرقطاری، آز ایش قیلگن وزیرلر استیضاح قیلینیشینی ایجابی بیلمهی ایتیشیچه، نمایندهلر کینگشی بوندن آلدین هم قطار وزیرلیکلرنینگ مسؤوللریگه سلبی آواز بیریب و صلاحیتلرینی رد قیلگن ایدی؛ لیکن اولر جایلریده توریب ایشلریگه دوام بیردیلر.
نمایندهلر کینگشینینگ کیسکین حجتینی گزارشی اساسیده، مستقل ادارهلر و وزیرلیکلر اوچون تخمین ایتیلگن عادی بودجهنی 90% صرفلنگن و 96 ییلده بولگن 825 پروژه جملهسیدن کمیده 60 پروژهنینگ خرجتی صفر دییلگن.
