ایرته (پنجشنبه) اسلامی حزب رهبری گلبدین حکمتیار بیلن تینچلیک شرطنامهسیگه قول قوییلهدی. مذکور حزب نمایندهلیگیده کابلگه کیلگن کریم امیننینگ سلاموطندارگه ایتیشیچه، حجتگه بیرینچی باسقیچده عالی تینچلیک کینگشی باشلیغی پیرسیداحمدگیلانی، ملی امنیت کینگشینینگ مصلحتچیسی محمدحنیف اتمر و اسلامی حزب نمایندهلری اورتهسیده قول قوییلهدی دیگن.
جناب امینگه کوره، حجتگه ایکینچی باسقیچده تیزلیکلده اسلامی حزب رهبری گلبدین حکمتیار و جمهور رییس محمد اشرفغنی اورتهسیده امضالنهدی.
شونینگدیک تینچلیک عالی کینگشینینگ اورین باسری عطاءالرحمن سلیم، اسلامی حزب بیلن حکومت اورتهسیده قول قوییله دیگن شرطنامه نهایی ایتیلگن دیدی.
او، کوچلی احتمال بیلن مذکور حجتگه ایرته قول قوییلیشی ممکن دیگن. شونینگدیک بوحجتگه قول قوییلیشی بیلن اسلامی حزب رهبری گلبدین حکمتیارنی کابلگه کیلیشی اوچون تیاگرلیک آلینهدی.
حکمتیار بیلن یره شیش رسمن باشلهنیشیگه سناقلی کونلرگه قالیشیگه قرهمی، اما بو حزب اعضالریگه «قضایی مصونیت» بیریلیشی اهالی ینه اوروشده جبر کورگنلرنینگ تیلیده سوژه بولگن.
افغانستان حکومتی حجتده اسلامی حزب بیلن آتیش کیسین اعلان ایتیلیش اورنیگه بو حزب نینگ اعضالریگه قضایی مصونیت بیرگن.
حکومت بیلن اسلامی حزب اورتهسیده امضالهنیشی انابتگه آلینگن شرطنامه آلتی صفحه اوچ فصل و ییگیرمه آلتی ماده دن عبارت بولگن لیگی ایتیلهدی.
عین حالده، افغانستان حکومتی بو کیلیشو اساسیده اسلامی حزب رهبری و بوتون اعضالریگه بولگن تحریم نی کوتاریب، بو حزبنی رسمیتگه تانیدی. شونینگ دیک اسلامی حزبگه حکومت تیزیمیده سیاسی بیر تشکیلات اولراق فعالیت قیلیشگه حق بیرهدی.
بو شرطنامهگه موفق اسلامی حزب رهبرلیگی کیلیشوگه قول قوییلگندن کیین اسلامی حزب حربی بولیم فعالیتینی توختهتیب، بوتون ترورچی گروهلر بیلن بولگن موجود علاقهسینی کیسهدی.
حکمتیار بیلن تینچلیک مراسهگه ایریشیش توغریسیده ایریم قرمه قرشیلیک لرهم بار. تینچلیکنی نتقد قیلیوچی بعضی بیر گروهلر حکمتیار و اونینگ حزبی 90- ییللردهگی قیلمیشی اوچون جزالهنیشی سورهگن لر و باشقه بیر گروه ایسه حکمتیار حاضر سابقدهگی قدرتیگه ایگه ایمس شو اوچون دولت بار کوچینی او اوچون صرفلهشیشی هم ضرور ایمس دیگنلر.
