آمریکا ملی خوفسیزلیک کینگشی نینگ اعلام قیلیشیچه، آمریکا ملی خوفسیزلیک کینگش مصلحتچیسی رابرت اوبراین، افغانستان جمهوررئیسی محمداشرف غنی بیلن تلفن آرقهلی سوزلشگن.
آمریکا ملی خوفسیزلیک کینگشی نینگ ایتیشیچه، مذکور تلفنی علاقهده رابرت اوبراین افغانستانلیکلرارا سوزلشوولر باشلهنیشی توغریسیده جناب غنی بیلن بحث قیلگن.
او مذکور تلفنی علاقهده مملکتی افغانستان دن حمایت قیلیشی خصوصیده اورغولب ایتیشیچه، مملکتی دموکرات، ایرکین و ترورچیلرنینگ تینچ اویهسیگه اوزگرمهیدیگن افغانستان دن حمایت قیلهدی.
آمریکا ملی خوفسیزلیک کینگش مصلحتچیسی افغانستانلیکلرارا سوزلشوولر باشلهنیشی حقیده اورغولهگن بیرحالده، اوشبو سوزلشوولر قچان باشلهنیشی حاضرگچه بیللی بولمهگن.
جمهوررئیسلیک سرایی آمریکا ملی خوفسیزلیک کینگش مصلحتچیسی بیلن جمهوررئیس غنی نینگ تلفتی علاقهسی خصوصیده آرتیق تفصیلات بیرمهگن.
طالبان ۴۰۰ محبوسلری نینگ قوییب یوباریلمهگنی نی افغانستانلیکلرارا سوزلشوولر باشلنمهسی نینگ اصلی دلیلی دیگن.
طالبان گروهی افغانستانلیکلرارا سوزلشوولر باشلهنیشی گه ۴۰۰ خوفلی محبوسیلری نینگ قوییب یوباریلیشی نی شرط قویگن ایدی.
افغانستان دولتی مذکور محبوسلردن حاضرگچه ۹۰ تهسینی قوییب یوبارگن. جمهوررئیس غنی تینچلیک مصلحتی لویه جرگه نینگ قراری اساسیده ۴۰۰ طالبان محبوسی قوییب یوباریلیش بویروغی نی امضالهگن ایدی.
