مزارشریف شهریده ینگی ییل و گلسرخ میلهسی جمهور رئیس محمداشرف غنی، کابینه قطار وزیرلری، نمایندهلر کینگشی اعضالری، اوزبیکستان، تاجیکستان و ترکمنستان مملکتلرینینگ فرهنگی و سیاسی نمایندهلری و قطار یشاوچیلرنینگ حضوری بیلن یولگه قوییلدی.
اوشبو احتفالده جمهور رییس غنینینگ ایتیشیچه، جاری ییلده جمهورلیک ریاستی سیلاوینینگ یولگه قوییلیشی اونملی دیر و مذکور سیلاونی ینه بیرمرته آرتده قالدیریلیشی قابل قبول ایمس.
جمهور رئیس نینگ کوپهیتریشیچه، سیلاولر ایرکین کمیسیونیگه حرمت قیلهمیز؛ بیراق سیلاونی ینه بیرمرته آرتده قالدیرمهیشی کیرهک.
جناب غنینینگ ایتیشیچه، دایمی تینچلیک افغانستان اهالیسینینگ اساسی ایستکلریدن دیر و 1398- ییلده دایمی تینچلیک نینگ تامین ایتیلیشی ممکن.
شوتوغریده…
- دانش: سیلاو آرتده قالدیریلگن صورتده، دولت قوریش لایحهسی توختهلیشی ممکن
جمهورلیک ریاستینینگ سیلاوی آرتده قالدیریلیب یولگه قوییلگنده شفافیت کیلتیرهدی
جمهورلیک ریاستی سیلاوینی جاری ییل 31 حملده یولگه قویلیشی ممکن ایدی؛ بیراق سیلاولر ایرکین کمیسیونی مذکور سیلاونی جاری ییل 29 سرطانگهقدر آرتده قالدیردی و حاضر ایسه سیلاولر ایرکین کمیسیونینینگ باشلیغی حوا علم نورستانینی اوتگن کونی عصر چاغیده اعلان قیلیشیچه، جمهورلیک ریاستی سیلاوی جاری ییل 6 میزانده یولگه قوییلهدی.
عینحالده، بلخ حاکمی محمداسحاق رهگذر، بلخ ولایتینینگ امنیتی وضعیتیدن خواطر بیلدیرگن.
بلخ حاکمی، افغانستان تینچلیک لایحهسیدن حمایت قیلیب و 1398- ییلده دایمی تینچلیک تامین ایتیلیشیدن امیدوارلیک بیلدیرگن.
