سلاموطندارگه صحبت بیرگن حکومتی بیر منبع نینگ ایتیشیچه، جمهورلیک ریاستیده ملی خوفسیزلیک کینگشی نینگ مصلحتچیسی حمدالله محب نینگ اورنی گه باشقه کیشیلر تعیین ایتیلیشی توغریسیده سوزلشوولر دوام ایتماقده.
منبع دن نقل قیلینیشیچه، جمهور رئیس نینگ ایش تیمی آرهسیده بولهدیگن سوزلشوولری نهایی بولمهگن و حمدالله محب نینگ اورنی گه تینچلیک عالی کینگشی نینگ دبیرخانه باشلیغی محمدعمر داوودزی، جمهور رئیس نینگ یقینلریدن بولگن دکتور فضل فضلی و ملی خوفسیزلیک عمومی ریاستینی باشلیغی معصوم استانکزی کبی کیشیلر جمهور رئیس گه تکلیف قیلینگن.
بو خبر حاضرگهقدر رسمی شکلده تصدیقلنمهگن.
ملی خوفسیزلیک کینگشی نینگ مصلحتچیسی حمدالله محب، نیچه کون آلدین تکرارسیز بیر عکسالعملده افغانستان تینچلیک لایحهسی بوییچه آمریکا قوشمه ایالتلرینینگ خاص نمایندهسی زلمی خلیلزادنی طالبان گروهی گه مشروعیت بیریش و افغانستان حکومتی نینگ نظرگه آلمسلیککه عیبلب و کوپهیتیریشیچه، جناب خلیلزاد افغانستان حکومتی نی نظرگه توتمهی اوز شخصی منفعتینی ایزلهیدی.
اوشبو موضوع دن سونگ، آمریکا تشقی ایشلر وزیرلیگی تکرارسیز بیر حرکت ده جناب محب نی احضار قیلدی و مذکور مملکت نینگ تشقی ایشلر وزیرلیگی نینگ سیاسی اورین باسری، آمریکا دولتی نینگ جدی اعتراضی نی محب گه ییتکیزدی.
شونینگدیک، اوتگن کون رویترز خبری آژانسی نینگ گزارش بیریشیچه، آمریکا قوشمه ایالتلری حمدالله محب بیلن بولگن بوتون علاقهلریگه نقطه قویگن و او وظیفهسیدن چیکلنتیریلیشی خصوصیده افغانستان حکومتی نینگ اوستیگه باسقین کیریتگن.
شو توغریده…
