نمایندهلر کینگشی، نامزد وزیرلرنی تانیشتیریش خصوصیده، جمهور رییسنی قانون شکنلیککه عیبلهیدی.
نمایندهلر کینگشی اعضالریدن بیرقطاری، نامزد وزیرلرنی نمایندهلر کینگشیگه تانیشتیریش خصوصیده، حکومتنی دقتسیزلیککه عیبلب ایتیشیچه، نامزد وزیرلرنی تانیشتیریشده حکومتنینگ جدی ارادهسی یوق دیر.
اولرگه کوره، آلتی آیدن بویان حکومت نامزد وزیرلرنی مجلسگه تانیشتیرمهگن و هر بیر مرته نامزد وزیرلرنی تیزلیکده تانیشتیریشی خصوصیده سوز بیرهدی.
نمایندهلر کینگشی اعضالریدن بیرقطاری، 7 نامزد وزیر جمهور رییس تامانیدن مجلسگه تانیشتیریلمهگنیدن جدی تنقید قیلیب و حکومتنی قانون شکنلیککه عیبلهیدیلر. اولرنینگ ایتیشیچه، جمهور رییس نیچه مرته تیزلیک بیلن نامزد وزیرلرنی مجلسگه تانیشتیریشی خصوصیده سوز بیرگن، بیراق نیچه آی اوتیشی بیلن حاضرگهقدر نامزد وزیرلرنی مجلسگه تانیشتیرمهگن.
نمایندهلر کینگشی اعضاسی کبرا مصطفوینینگ ایتیشیچه، جمهور رییس قانون شکنلیککه قیلهدی و نمایندهلر کینگشینینگ صلاحیتینی اوز قمراویده آلگن.
خانم مصطفویگه کوره، سرپرستلرنینگ ایشی دوام ایتگن صورتده، دولتی ادارهلرده مملکت یشاوچیلری بوندن آرتیق قیینچیلیککه روپهره بولیشی ممکن.
نمایندهلر کینگشی اعضالریدن باشقه بیری عبدالرووف انعامینینگ ایتیشیچه، رواجلنتیریش بودجهلر عملگه آشیریلمهگنی و بودجه صرف ایتیلمهگنینی اصلی عاملی وزیرلیکلر سرپرستلر تامانیدن اداره بولیشیگه دیر.
جناب انعامیگه کوره، وزیرلیکلر سرپرستلر تامانیدن اداره بولیشیگه نقطه قوییلمهگن صورتده، رواجلنتیریش بودجه ییل آخریگچه صرف ایتیلمهیدی.
بیراق، جمهورلیک ریاستینینگ مطبوعات دفتری سرپرستی شاهحسین مرتضوینینگ ینه بیر بار سوز بیریشیچه، جمهور رییس تیزلیکده نامزد وزیرلرنی نمایندهلر کینگشیگه تانیشتیرهدی.
جناب مرتضویگه کوره، جمهور رییس وزیرلیکلرده ظرفیتلی کیشیلرنی تعیین ایتیش خصوصیده سعی و حرکت قیلهدی.
کمیده آلتی آی آلدین، ملی بیرلیک حکومتنینگ 7 وزیری بودجهنی صرفله آلمهگنی سبب نمایندهلر کینگشی تامانیدن ایشدن آلینگن ایدی و جمهورلیک ریاستی حاضرگچه ایشدن آلینگن وزیرلرنینگ جاییده نامزد وزیرلرنی تانیشتیرمهگن.
جمهورلیک ریاستی، کمیده بیر آی آلدین، 3 نامز وزیرنی نمایندهلر کینگشیگه تانیشتیردی، بیراق نمایندهلر کینگشی، مذکور نامزد وزیرلرگه ایشانچ آواز بیریش خصوصیده صندوق قویمهدی و جمهورلیک ریاستیدن برچه نامزد وزیرلرنی نمایندهلر کینگشیگه تانیشتیریشینی سورهدی.
