افغانستان‌ده اداری فسادگه قرشی کورهش تیکشیریش و نظارت قوشمه مستقل کمیته، باشقره‌لاوچیلیکده‌گی اداری فساد اداری فسادگه کومک قیلیش اوچون بیرینچی عامل ایکن لیگینی معلوم قیلدی.
اداری فسادگه قرشی کورهش تیکشیریش و نظارت مشترک مستقل کمیته دولت باشقرهلاوچیلیگی‌ده فساد بارلیگی توغریسیده‌گی گزارشینی نشر قیلدی.
اداری فسادگه قرشی کورهش تیکشیریش و نظارت قوشمه مستقل کمیته مسوولی حمیدالله تواب، اوشبو گزارشلر 230 کیشی قانون تطبیق ایتیوچی، مدافع وکیللر و کابل‌ده‌گی باشقه قتلتم بولگن مصاحبه اساسیده تیارلنگن.
جناب تواب‌گه‌کوره، بولرنینگ قولگه کیریتگن گزارشلرده، اداری فسادگه قرشی کورهش و باشقرهلاوچیلیک اداره‌سی ایش یخشی له‌نیشی اوچون بعضی بیر ایشلر بولگن، اما هنوز هم پاره خورلیک، رسمیلرنی اره‌له‌شیشی و بیر مونچه قیین چیلیک بار دیگن.
اداری فسادگه قرشی کورهش تیکشیریش کمیته نینگ گزارشی‌ده حاضرگی کونده قضایی مدیریت سیستمی، حادثه‌لرنی تعقیب و تیکشیریش‌نی مشکل‌گه روپه ره قیلگن. شونینگدیک بو گزارش نینگ معلوم قیلیشیچه، باشقره‌لاوچیلیکلر اوسکونه، بنا و باشقه ایریم جهاز تنقیسلیگی‌گه دوچار بولگن.
گزارش نینگ ینه بیر بولیمی‌ده دوسیه‌لر باشقرهلاوچیلیک ضعیف حجتلر اساسیده آچیله‌دی شو باعث هم لازم درجه ده تحقیق بجریلمه‌دی.
اداری فسادگه قرشی کورهش تیکشیریش و نظارت کمیته دولت باشقرهلاوچیلیک اداره‌سیده کوپراق شفافیت همده فساد یوق ایتیلیشی اوچون ملازملرنی آلیش، همکارلیک، حادثه‌لرنی تیکشیریش مدیریتی، تحقیقات، اداری اصلاحات، پلانگذارلیک و بودجه توزه‌تیشده اصلاحات آلیب کیلیش‌نی سوره‌گن.
دولت باشقرهلاوچیلیک اورین باسری نورالحبیب جلالزی، بو اداره ده اداری فسادگه قرشی کورهش جریانی جدی بیر شکل‌ده آلغه آلیب باریله‌دی دییه تاکید ایتگن.
مذکور گزارشنی تیارلش ایشی 1395-ییل‌ده باشله‌نیب حاضر اوز پایانیگه ییتگن.
