افغانستان بوییچه منطقهیی و استراتیژیکی تدقیقات مرکزی نینگ ینگی بیر گزارشی گه کوره، مملکت یشاوچیلریدن کوپینچهسی تینچلیک تأمینلنیشی خصوصیده حکومت تامانیدن صداقت بیلن سعی و حرکت قیلینیشی توغریسیده ایشانمهیدیلر.
مذکور مرکز «ملی بیرلیک حکومت دورهسیده تینچلیک و اوروش» نامیده بولگن تحلیلی و تدقیقاتی گزارشینی خلاصه و نتیجهسینی بوگون نشر قیلگن.
افغانستان بوییچه منطقهیی و استراتیژیکی تدقیقات مرکز اعضاسی حکمتالله زلاندنینگ ایتیشیچه، تدقیقات اشتراکچیلریدن 69.28% تینچلیک تأمینلنیشی خصوصیده حکومت تامانیدن صداقت بیلن سعی و حرکت قیلینیشی توغریسیده ایشانمهیدیلر و یالغیز 21.89% بو توغریده حکومت تامانیدن بولهدیگن سعی و حرکتلرگه ایشانهدیلر.
جناب زلاندگه کوره، اوشبو تدقیقات اشتراکچیلریدن 80.11% تینچلیک تأمینلنیشی خصوصیده تینچلیک عالی کینگشی نینگ رولینی ناکام دییدیلر و یالغیز 14.97% مذکور کینگش رولینی اونملی دیب بیلهدیلر.
اوشبو تدقیقات نی باشقه بیر بولیمی خوفسیزلیک موضوعی گه اختصاص بیریلگن و بو بولیمده اشتراکچیلرنی 54% دن آرتیغی نینگ ایتیشیچه، حکومت ناتوغری یولگه تامان کیتماقده و یالغیز 33% دن آرتیغی کیلهجککه نسبتن امیدوارلیک بیلدیرهدیلر.
شونینگدیک اوشبو تدقیقات گه اشتراگن قیلگنلردن 34.26 فایزی نینگ ایتیشیچه، مملکتده ناتینچلیکلر کوپهیشی ممکن، اولردن باشقه 30.68 فایزی نینگ ایتیشیچه، ناتینچلیکلر کمهیشی ممکن و شونینگدیک تدقیقات گه اشتراک قیلگنلردن باشقه 23.11 فایزی گه کوره، امنیتی وضعیت شو شکلده دوام تاپهدی.
تدقیقات گه اشتراک قیلگن کیشیلردن 65.96 فایزی نینگ ایتیشیچه، منطقهلریده اوزلرینی تینچ احساس قیلمهیدیلر و بو خواطرلردن کوپینچهسی قندز ولایتیده بولگن.
اوشبو اداره مسئوللری نینگ ایتیشلریچه، مذکور تدقیقاتی گزارشی کابل، بلخ، هرات، کندهار، ننگرهار و کندز ولایتلریده 812 کیشی بیلن صحبت اوتکزیب تیارلنگن و تدقیقات گه اشتراک قیلگنلردن کوپینچهسی بیلیم یورت اوقیتوچیلری دیر.
تدقیقات گه اشتراک قیلگن کیشیلر تینچلیک توغریسیده مذاکره قیلهدیگن مرجع نینگ ناکارا دیب و تینچلیک خصوصیده حکومت و اهالی تامانیدن طرفسیز بیر اداره تشکیل ایتیلیشی اوستیگه اورغولهگنلر.
