مجلس نینگ اداری هیأتی شویقینده غیرحاضرلیک قیلهدیگن نمایندهلردن هربیری 20 کون ایشگه کیلمهگن تقدیرده ایچکی تأمینلش و انظبات اساسیده برچه امتیازلری آلینهدی.
مجلس نینگ محرری عبدالقادر زازی نینگ ایتیشیچه، اداری هیأت قراری اساسیده کیتمه- کیت 20 کون مجلسده حاضر بولمهگن وکیللردن برچه امتیازلری آلینیب و مجلس اولتیریشلریدن محروم قیلینهدی.
اونینگ ایتیشیچه، نمایندهلرنینگ غیرحاضرلیگی بارهسیده مجلس نینگ ایچکی ایشلر 73 و 119- مادهلریده یاروغلیک تشلهتیلگن ایدی و بومرته اداری هیأت ایچکی اصول و ایشلرنی برچه نماینده لرگه عملی قیلیشده مکتوب هم صادر قیلگنلر.
نمایندهلردن بیرقطاری، اداری هیأت نینگ بو ایشلرینی آلقیشلیدی و بو ایشلری نتیجه بیرهدی دیب بیلهدیلر، بیراق اولر غیرحاضرلیک قیلگن نمایندهلر اسمی نامه آرقهلی سیلاو حوزهلریده یوباریلیب کیلهسی ییللرده خلق بولرگه رأی بیریمه سینلر دیب تأکید قیلهدیلر.
مجلس اعضاسی زکریا زکریا نینگ ایتیشیچه، نمایندهلردن بیرقطاری نمایندهلر شأنیده بولمهگن ایشلرنی قیلهدی و ایریمی نینگ هم اخلاقی قیینچیلیگی بار.
مجلس باشقه بیر اعضاسی محمدنعیم لالی حمیدزی نینگ ایتیشیچه، بو انظباتی سیستم کمیسیونلر اولتیریشلریده اشتراک ایتمهیدیگن نمایندهلر اوستیگه هم عملی بولسین.
نمایندهلر شوپیتده مجلس اعضالریدن کیتمه کیت غیرحاضرلیک قیلیش بارهسیده اولتیریش آلگن ایدیلرکه نمایندهلردن کوپیسی نینگ اوشبو ییغینده حضورلری بولمهگنلیگی سبب اولتیریش نتیجهسیز یکونلهدی.
