قندهار ولایتی نینگ امنیتی اداره‌لر رسمیلری، کیچه ولایتده صادر ایتیلگن هجومده حقانی ترور ترماغی نینگ قولی بارلیگینی ادعا ایتگنلر.
بوگون چهارشنبه قندهار امنیه قومندانی جنرال عبدالرازق خبری انجمن اوتکزیب، ولایت مهمانخانه‌سیده روی بیرگن پارتلشدن آلدین دن خبرلری بولگنینی ایتگن. بیراق، حادثه قنده‌ی اویوشتیریلیشی باره‌سیده انیق معلومات بولمه‌گنی سبب پارتلش آلدینی آلیشگه موفق بولمه‌گنلر.
اونینگ، مذکور مجلسده اوزی هم اشتراک ایتگن‌لیگینی تیلگه آلیب، نیچه دقیقه شام نمازی اوقیگنی کیتیشی بیلن حادثه‌دن جان قوتقرگن لیگینی بیلدیرگن.
قندهار امنیه قومندانی جنرال رازق نینگ معلوماتیگه کوره، حادثه ده بیرلشگن عرب امیرلیگی دیپلوماتلریدن 5 کیشی قوشیمچه11 کیشی جان بیرگن.
ایتیلیشیچه، ولایت اورین باسری عبدالعلی شمسی، جوزجان ملت وکیلی بازمحمدجوزجانی، فاریاب ولایتی نینگ سناتوری سراج الدین صفری، قندهار تشقی ایشلر ریاست باشلیغی شاه احمدسعید، افغانستان‌نینگ امیریکاده‌گی دپیلوماتی داکتر نذیر یماقریشیلر عالمدن اوتگنلر جمله‌سیدن.
ولایت امنیه قومندانی یره‌لنگنلر سانینی 18 کیشی دیگن؛ قندهار والیسی، بیرلشگن عرب امیرلیگی ایلچیسی و قندهار سوداگرلری تَن جراحتی آلگنلردن سنه‌له‌دی.
رازق نینگ ایتیشیچه، پارتلشدن هدف قندهار ولایتی حربی کینگشی نینگ نابود قیلیش بولگن. رازق، حادثه ده عیبلب ولایت تعمیرینی قیته قوریش ایشلاوچیلریدن بیرقطاری قولگه آلینگن دیگن.
قندهار امنیه قومندانی نینگ خبرچیلرگه ایتیشیچه، حادثه‌ده 30 گه یقین کیشی قولی بارلیگی ایتیلگن و بولر برچه‌سی حبس آلینیب قانونگه تاپشیریله‌دی.
اونگه کوره، سونگی نیچه هفته ایچیده ایران، روس، حقانی ترماغی و آی اس آی جاسوسلیک اداره‌سی عصیانچی گروهلردن حمایت قیلیشلری ایتیلگن.
حاضرگه قدر بیرار گروه یا شخص اوشبو حادثه مسوولیتینی رسمی شکلده بوینیگه آلمه‌گن.
