فاریاب ولایتیده یوز بیرگن اوروشدن آواره بولگن کمیده 50 عایله سمنگان ولایتینینگ مرکزی آیبیک شهرینینگ عمومی جادهسینی چیکَّهسیده جایلشگنلر.
اوشبو عایلهلرنینگ ایتیشیچه، فاریاب ولایتینینگ خواجه سبزپوش تومنیده امنیتی کوچلر و طالبان گروهی آرهسیده یوز بیرگن آتیشمه نتیجهسیده، برچه بار و یوقلرینی ترک قیلیب سمنگان ولایتی گه کیلگنلر. اولرنینگ ایتیشیچه، 20 کوندن بویان کیچه-کوندوزلرینی باشپناهسیز عمومی جادهنی چیکَّهسیده اوتکزهدیلر.
آوارهلردن بیری سراجالدین نینگ ایتیشیچه، بالهلری هوا ساووقلیگی باعث، کسل بولگنلر و حاضرگچه هیچ بیر مسؤول اولرنینگ وضعیتیدن خبر آلمهگن.
بیراق، سمنگان ولایتیده مهاجرلر و باشپناه ایزلاوچیلر ریاستینی آمری سیدکمال حسینینینگ ایتیشیچه، اولرنینگ امکانیتی آز بولگنده هم آواره بولگن عایلهلرگه نیچه مرته نقد پول یاردم بیرگنلر و اولر اوچون باشقه برنامهلرنی هم قولگه آلگنلر.
اوشبو عایلهلرنینگ ایتیشیچه، فاریاب ولایتیده اوروش شدتلنگنی باعث، کونده 4-5 عایله آیبیک شهری گه کیلیب و عمومی جادهلرنی چیکَّهسیده جایلشهدیلر.
شو توغریده…
فاریاب؛ طالبان گروهی عیاللر و بالهلردن انسانی سپر صفتیده فایدهلنهدی
