طالبان گروهی ارزگان ولایتینینگ چنارتوی تومنیده سلام مخابراتی شبکه پایهسینی تخریب قیلیش مقصد ده، اوتکن کیچه مذکور ولایت ده امنیتی کوچلر پوستهلری اوستیگه هجوم قیلگنلر.
امنیتی منبعلردن بیرینینگ کیملیگی سیر قالیشنی ایسته‌ب سلاموطندارگه ایتیشیچه، ملی اوردو کوچلریدن 33 تهسینینگ جسدی حاضرگهقدر هم تخریب بولگن پوستهگه قویاش شعاعسی آستیگه قالگن و باشقه جایلرگه انتقال بیریلمهگن.
اوشبو منبع گه کوره، عسکرلردن 4 ته‌سی طالبلرگه قوشیلگن و باشقه 21 ته‌سی پولیس پوستهلریدن بیریگه انتقال بیریلگن.
طالبان گروهی امنیتی کوچلرنینگ رنجر و هاموی تانکلرینی اوز لری بیلن آلیب کیتگن.
چنارتو تومنینینگ یشاوچیلریگه کوره، ولایتی کینگش اعضالری 10 کون آلدین طالبلرنینگ هجوملریدن آگاهلنتیرگن ایدی، بیراق مرکزی و محلی حکومت اوشبو واقعهگه توسیق بولیش اوچون هیچقندی حرکت قیلمهگن.
طالبان گروهی مذکور هجوم مسوولیتی نی بوینیگه آلیب و امنیتی کوچلردن 50 تهسینینگ هلاک ایتیلگنی دن خبر بیرگن.
