میدانوردک ولایتی کینگش اعضاسی شریفالله هوتکنینگ سلاموطندارگه ایتیشیچه، طالبان گروهی اوتگن کیچه اوشبو ولایتنینگ دایمیرداد تومنینی تصرف قیلگن.
اونینگ ایتیشیچه، آتیشمه نتیجهسیده امنیتی کوچلردن 41 تهسی هلاک ایتیلیب و بوتون حربی تجهیزاتلری طالبلر قولیگه توشگن.
میدانوردک ولایتی کینگش اوشبو اعضاسیگه کوره، حاضرده بوتون مخابراتی ترماقلر دایمیرداد تومنیده غیر فعال دیر.
بیراق میدانوردک حاکمینینگ سوزلاوچیسی عبدالرحمان منگلنینگ سلاموطندارگه ایتیشیچه، کمکی کوچلر دایمیرداد تومنیده یوباریلگن و حاضرده آتیشمهنینگ دوامی بار.
میدانوردک حاکمینینگ سوزلاوچیسیگه کوره، حاضرگهقدر طالبان جنگرهلریدن 60 تهسی هلاک و باشقه یوزلرچهسی یرهلنگن دیر.
طالبلر سوزلاوچیسی ذبیحالله مجاهدنینگ ادعا قیلیشیچه، آتیشمه جریانیده امنیتی کوچلردن 70 تهسی هلاک و باشقه بیرقطاری یرهلنگن. اونینگ ایتیشیچه، دایمیرداد تومنی طالبلر قولیگه سقوط قیلگن.
