مملکت پارلمان اعضالریدن بیری، مجلسنینگ قطار اعضالری اوزلرینی سقلش بهانهسی بیلن خیالی تَن قوریقچیلری بار دیگن.
مجلسنینگ اعضالریدن بیری غلام حسین ناصری بوگون (دوشنبه) مجلسنینگ عمومی ییغینیده بیر رویخط ترقهتیب مذکور نمایندهلر نامینی فاش قیلدی. جناب ناصریگه کوره، مذکور نمایندهلر خیالی تشکیلاتنی سوء استعمال قیلیب کته امتیاز قولگه کیریته دیلر.
اونینگ نشر قیلگن رویخطیده نمایندهلرنینگ ایریملرینی بیردن اوتیز گچه خیالی تَن قوریقچیلری بارلیگی فاش ایتیلگن.
مجلس اعضاسینینگ اوشبو رویخطیده، ملا ترهخیل 30کیشی، ملا عزتالله 23نفر، احمدشاه رمضان، حبیبه دانش، وشریفه بلخابیلر هر بیری 7کیشی، میربتخان منگل 6نفر، محمدفرهاد صدیقی، صفورا ایلخانی، صفورهنیازی و احمد بهزادلر هر بیری 5کیشی، رنگینه کارگر، عبیدالله بارکزی و قیس حسن هر بیری 4 حربی، موسیخان نصرت، نقیبالله فایق، فهیمه سادات وعبدالصبور خذمت 2نفر و شیر ولی ورکنینگ ایسه بیر کیشی خیالی پولیس بولگن. شونینگدیک مذکور رویخطده عباس ابراهیمزادهنینگ اسمی هم کیلگن، لیکن اونینگ خیالی حربیسی توغریسیده معلومات بیریلمهگن.
مذکور رویخط خطا و اداری هیات تیکشیرمسدن آلدین ترقه تیلگنلیگینی نا توغری دیگن مجلسنینگ رییسی عبدالرؤوف ابراهیمی، اوشبو قیلمیشنی «خصمانه»دیب و بو موضوع تیکشیریلیشینی سورهگن.
اوشبو ییغینده مجلسنینگ باشقه بیر اعضاسی صالحمحمد صالحنینگ ایتیشیچه، اوشبو رویخطدن تشقری نمایندهلر مجلسی اعضالری تامانیدن امنیتی نقلیه واسطهلرنی سوء استعمال قیلیش اوچون باشقه بیر رویخط موجود.
خیالی امنیتی حربیلرمسالهسی ینگی بیر موضوع ایمس. بوندن آلدین هم تیکشیرو بیر مرکز حسابات ترقهتیب افغانستان ملی کوچلرینینگ 130مینگ حربی عسکری اینیقسه خیالی پولیس حکومتدن آیلیک آلهدی دیگن ایدی.
