فاریاب ولایت کینگشی اعضالریدن بیرقطاری، مذکور ولایت نینگ قیصار تومنیده امنیتی کوچلرنینگ تشکیلاتیده خیالی عسکرلر کوپلیگینی بیلدیرگن.
فاریاب ولایت کینگشی اعضاسی محمدنادر سعیدی، بو توغریده خواطر بیلدیریب سلاموطندارگه ایتیشیچه، قیصار تومنیده 205 ملی پولیس آرهسیدن بو تومنده یالغیز 50 پولیس موجود.
جناب سعیدی گه کوره، ملی پولیس شامل خوفسیزلیک کوچلری نینگ باشقه تشکیلاتی جملهدن محلی پولیس، قتناو یوللر پولیسی و مردمی کوچلرنینگ توپلم رقمی 600 گه ییتیشهدی، لیکن بو تومنده یالغیز 300 عسکر موجود بولیب و باشقه 300 عسکر خیالی دیر.
قیصار تومنیدن آتی فاش ایتیلیشینی ایستمهگن امنیتی بیر منبع نینگ سلاموطندارگه ایتیشیچه، مذکور تومنده خوفسیزلیک کوچلری نینگ بوتون تشکیلاتیده خیالی عسکرلر موجود بولگن.
اوشبو امنیتی منبع قیصار تومنیده بولگن خیالی عسکرلرنینگ رقمینی بیلدیرمهیدی؛ بیراق ایتیشیچه، خوفسیزلیک کوچلری نینگ تشکیلاتیده بولگن نیچه عسکرنی تانیدی، لیکن حاضر اوقووچی یا-ده دکاندار بولگن.
لیکن فاریاب پولیس قومندانلیگی نینگ مسؤوللری، ولایت کینگشی اعضالرینینگ بو ادعالرینی رد قیلهدی.
فاریاب پولیس قومندانلیگی سوزلاوچیسی عبدالکریم یورش نینگ ایتیشیچه، معاش سیستمی اساسیده، جبهه ده موجود بولمهگن عسکرنینگ آیلیگی توللنمهیدی.
فاریاب ولایتی نینگ قیصار تومنیده بیر حربی کندک هم موجود؛ لیکن خیالی عسکرلر توغریسیده فکر بیلدیرگن منبعلر بو کندک ده خیالی عسکرلر موجودلیگی توغریسیده هیچ نرسه دیمهیدی.
شو توغریده…
خیالی عسکرلردن باشلب خیالی قبرستانلرگچه؛ ایندی خیالی بدرغهلر!
