بوگون ملی کینگش نینگ جمهور رییس غنی و کوپلب حکومت بلند مرتبهلی رسمیلری حضوریده اون آلتینچی دور ییتینچی ییل ایشی باشلندی.
ملی کینگش نینگ بودور ایشی باشلهنیشیده اشتراک ایتگن جمهور رییس نینگ ایتیشیچه، کیلگوسی ییل امنیتی وضعیتی جاری ییلدیک بولیشی ممکن و شوحاضر افغانستان بویلب 20 گه یقین عصیانچی گروهلر طالبلر تامانیدن هجوم زمینهسی یرهتیلهدی فعالیت قیلیب کیلماقدهلر. جناب غنیگه کوره، پارتلش و خودکش هجوملرینی بجرهدیگن جنگری گروهلر، افغانستان خلقی نینگ دشمنی، لیکن «تینچلیک ایستهگن گروهلر یوزیگه تینچلیک ایشیگی آچیق.»
مجلس باشلیغی عبدالرؤوف ابراهیمی نینگ بو مراسمده ایتیشیچه، کیلگوسی ییلده امنیتی تهدیدلر کوپهیشی ممکن. او جمهور رییسدن یشاوچیلر امنیتیگه کوپراق دقت قیلیشینی طلب قیلهدی.
سیلاوده ارهلشیلمه سین!
شونینگدیک جمهور رییس نینگ ایتیشیچه، سیلاو ملی لایحه بولگنلیگی اوچون کیشیگه ارهلش حقینی بیرمه یمیز. او، افغانستان سیلاوی اونگیده بولگن برچه توسیقلرنی کوتاریب و جمهور رییسلیک سیلاوی انیق وقتیده آلیب اوتکزیلهدی دیدی.
عبدالرؤوف ابراهیمی هم سیلاو وقتیده بولیب اوتکزیلیشیگه تأکید قیلهدی.
ابراهیمیگه کوره، ملی کینگش نینگ ینگی تقنینی ییلی قیینچیلیکلرگه قازانیش ییلی بولیشیگه امید قیلهدی و بوییل ملی کینگش باشقه دولتی نهادلر یاردمیده اوز اصلی ایشلرینی اوستونلیک بیلن اوتکزیلسین.
ملی کینگش نینگ 16- دورهسی افغانستان اساسی قانونیگه قرهگنده ناقانونی شکلیده ایشگه باشله ماقده.
