.jpg)
انسان حق و حقوقلرینینگ قندهار ولایتیدهگی وکالتخانهسی اوتگن ییل مذکور ولایت تینچ اهالیسی اوچون اینگ اولیملی ییل بولگن لیگینی معلوم قیلدی.
اوشبو اداره نینگ مسووللری، مذکور ییلده عادی اهالی تلفات میزانی اوتگن یللرگه قرهگنده 11% آشگن لیگی معلوم بولهدی دیگنلر.
اولدیریگنلر ایچیده بلاغتگه ییتمهگن گودکلر همده کیکسهیگن کیشیلر هم بولگنی ایتیلهدی.
قندهار ولایتیده انسان حق و حقوقلری کمیسیونی نینگ تحقیق بولیمی مسوولی سلاموطندار ترماغی بیلن اوتکزگن مخصوص صحبتیده، اوتگن ییل 1615 تینچ اهالی زیان کورگن، بولردن 756نفری قربان بولگن . 859 کیشیسی ایسه یرهلنگن.
.jpg)
بو ساندهگی تینچ فقرا یول چیتیگه اورنهتیلگن ماین، بابمه یاغدیریش، انتحاری هجوملر، نا معلوم قوراللی شخصلر اوق اوزیشی و نهایتده خلق ارا همده افغان ملی کوچلرنینگ اوق اوزیشی عاقبتیده اولدیریلگنلر دیگن جناب فایض.
اونینگ سوزلریگه قرهگنده، تینچ فقرا نینگ کته قسمی یول چیتیگه اورنه تیلگن ماینلر پارتلشی ینه ناتنیش قوراللی کیشیلرنی نینگ هجومی نتیجهسیده عالم دن اوتگنلر. قندهار ولایتیده انسان حق و حقوقلری مستقل کمیسیونی نینگ مسووللری، اوروش تامانیدن تینچ اهالیگه زیان ییتکزیشگه اولگورمسلیکلرینی طلب قیلگن.
ولایتنینگ بیر قطار یشاووچیلری هم ملی کوچلر بیلن جنگری طالبلر اورتهسیده یوز بیرهجک ارووشده کوپینچه عادی اهالی زیان کورهدی دیدیلر.
اما، قندهار ولایتی والیسی نینگ سزولاووچیسی صمیم خپلواک، اوتگن ییل تینچ اهالی تلفات میزانی آشگنلیگی حقیده گی گزارشنی رد قیلگن. خلق جانی و مالی سقلهنیشی اوچون دولت مکلف دیدی جناب خپلواک.
