ننگرهار ولایتی نینگ امنیتی بلند مرتبهلی رسمیلری، حکومت ملازملرینی نینگ کیملیک کارتی و قورال اسلحهسی دولت قوراللی مخالفلری تامانیدن سوءاستعمال ایتیلیشی ولایتده امنیت بوزیلیشیگه باعث بولگن دیدیلر.
ننگرهار ولایتی نینگ والیسی گلاب منگل، دولت قوراللی مخالفلری حکومت رسمیلرینینگ کیملیک کارتی و قوراللرینی دولت ملازملریگه قرشی استفاده قیلهدی دیگن.
ننگرهار ولایتی نینگ والیسی ولایت و تومنلرده خوفسیزلیک تهدیدی کمهیشی اوچون ولایت حربی کمیتهسی حجتسیز قوراللرنی ناقانونی شخصلردن ییغیب آلیش خصوصیده قرار قبول قیلگن دیگن.
جناب منگلگه کوره، مذکور کینگش نینگ قراری اساسیده بوندن کیین محلی پولیس هم شهر ایچیده قورال کوتاریب یوره آلمهدی.
بو توغریدهگی تشویشلر تومنلر یشاووچیلری یانیده جلال آبادشهرینینگ اهالیسی نابرقرارلیک، ترور، اوغیرلش قوراللی تهدیدلر میزانی آشگن لیگیدن شکایت قیلگن بیر پیتده اظهار قیلینماقده.
اهالی، دولت کوچلری داعش و طالبان گروهیگه قرشی اوروشدن تشقری دولت ملازملری نینگ کیملیک کارتی مخالفلر آرقهلی سوءاستعمال ایتیلیشی ینگی بیر تهیدید حسابلنهدی دیدیلر.
