اوتکن (دوشنبه) کیچه، قوراللی طالبلردن بیر گروه پارتلش و خودکش هجوملرنی عملگه آشیریب دولت رسمیلریدن بیرینینگ اوییگه کیرگن. اوشبو هجوم روسیه ایلچیخانهسی یقینیده یوزبیرگن.
منطقه یشاوچیلرینینگ ایتیشیچه، دستلب پارتلش هجوم سیسی ایشیتیلگن و نیچه دقیقهدن کیین، منطقهده اوق آتیشلر سیسی پخش ایتیلگن.
طالبلر سوزلاوچیسی ذبیحالله مجاهد، مذکور هجوم مسؤولیتینی قبول قیلیب و بو هجوم« اونملی معلومات مرکزینی یوقاتیش خصوصیده کینگ هجوم» دیب بیلهدی.
ایتیلیشیچه، بو هجومده هلمند ولایتینینگ سابق والیسی نعیم بلوچ جانیگه قصد قیلینگن ایکن. بیراق محل یشاوچیلریگه کوره، اوشبو منطقهده جمهور رییس مصلحتچیسی نجیبالله ناصری و باشقه بیر قطار پارلمان نمایندهلرینینگ اویی بولگن و احتمال باریچه جمهور رییس مصلحتچیسینینگ اوییگه کیریش خصوصیده ریجهلنگن.
کابل پولیس قومندانلیگی سوزلاوچیسیگه کوره، اوشبو هجوم نتیجهسیده تورت خودکش هجومچی هلاک بولگن و شونینگدیک امنیتی کوچلردن 7 تهسی یرهلنگن.
