مدافعه وزیرلیگی سوزلاوچیسی اورین باسری دولت وزیرینینگ شنبه کون بیر خبری ییغینده ایتیشیچه، مملکت شمالیده طالبلرگه قرشی عملیات حربی کوچلر باش قومندانی قدم شاه شهیم باشقرویده بولهدی.
بوندن آلدین، جمهور رییس بیرینچی اورین باسری جنرال عبدالرشید دوستم یقینلریدن بیری و پارلمان نمایندهسی عنایتالله بابر فرهمند سلاموطندار بیلن تلیفونی سوزلهشیب مملکت شمالیده طالبلرگه قرشی یولگه قوییلهدیگن عملیات جناب دوستم رهبرلیگیده بولیشینی ایتکن ایدی.
بیراق، جناب وزیرینینگ ایتیشیچه، جنرال عبدالرشید دوستم شمالده امنیتی کوچلرگه روحیه بیریش و دولتگه قرشی قورالی عصیانچیلرنینگ تینچلیک لایحهسیگه قوشیلیشگه آلقیشلش اوچون حضور تاپگن.
عین حالده، فاریاب ولایت سرپرستی عبدالستار بارزنینگ سلاموطندارگه ایتیشیچه، عصیانچیلرگه قرشی شمال عملیاتلری تیزلیکده حربی کوچلر باش قومندانی رهبرلیگیده فاریابدن باشلنهدی.
دیمک بو عملیاتلر باشلهنیش زمانی بیللی بولمهگن، بیراق جناب بارزنینگ ایتیشیچه، بو عملیات یکشنبه کوندن باشلنهدی دییلهدی.
بارزنینگ سلاموطندارگه ایتیشیچه، حربی کوچلر اوتکن 24 ساعتده المار تومنی قرایی قیشلاقلریده هوایی هجوم عملگه آشیرگن.
اونینگ ایتیشیچه، بو هجوملر نتیجهسیده تشقی جنگریلر شامل، 18 عصیانچی هلاک بولگن و باشقه 9 تهسی یرهلنگن.
جناب بارزنینگ کوپهیتیریشیچه، هلاک بولگنلرگه طالبلرنینگ اوچ قومندانی عبدالرحیم، ملا وکیل و مصطفی شامل دیر.
دولتگه قرشی قورالی عصیانچیلر بو توغریده هیچ نرسه دیمهگن.
اوتکن 24 ساعتده دولتگه قرشی قورالی عصیانچیلرگه آغیر تلفات ییتکیزیلگن
مدافعه وزیرلیگی سوزلاوچیسی اورین باسری دولت وزیری، ایچکی ایشلر وزیرلیگی سوزلاوچیسی بیلن شنبه کون اوتکزگن خبری ییغینیده ایتیشیچه، اوتکن ایکی کونده، حربی کوچلر عملیاتی نتیجهسیده دولتگه قرشی قورالی عصیانچیلردن 189 تهسی هلاک بولگن.
جناب وزیرینینگ ایتیشیچه، بو عملیاتلر، لوگر، پکتیا، قندهار، فاریاب، تخار، بدخشان، کندز، هلمند، ارزگان و کابل موسهی تومنیده یولگه قوییلگن.
وزیرینینگ کوپهیتیریشیچه، هلاک بولگنلر ایچیده، طالبلرنینگ تانیقلی قومندانلریدن بیری ملا خاکسار، مذکور گروهنینگ اوچ ناملنگن تومن باشلیغی و 9 چیت ایللیک جنگری کورینه دی. جناب وزیریگه کوره، بو عملیاتلر نتیجهسیده 88 عصیانچی یرهلنگن و باشقه 9 تهسی توتقونگه آلینگن.
شونینگدیک مدافعه وزیرلیگی سوزلاوچیسی اورین باسرینینگ ایتیشیچه، اوتکن 48 ساعت جریانیده حربی کوچلردن 13 تهسی هلاک بولگن.
انه شوندهی، ایچکی ایشلر وزیرلیگی سوزلاوچیسی صدیق صدیقینینگ ایتیشیچه، حربی کوچلر فاریاب ولایتیده یخشی یوتوقلیکلرنی کسب ایتکن، مذکور ولایت المار تومنیده طالبلرنینگ ناملنگن والیسی و قومندانینینگ اولدیرگنلر.
مدافعه و ایچکی ایشلر وزیرلیکلری سوزلاوچیلرینینگ اورغولشلریچه، کندز، فاریاب، بدخشان و بغلان ولایتلریده دولتگه قرشی قورالی عصیانچیلرنینگ یوقاتیش اوچون اونملی لایحهلرنی قولگه آلگنلر.
