سلاموطندارگه صحبت بیرگن فراه ولایت کینگشی اعضاسی دادالله قانعنینگ ایتیشیچه، اوتگن کیچه طالبان گروهی عصری قورال اسلحهلر بیلن جهازلنیب فراه ولایتینینگ بالابلوک تومنی 517 قتناو یولیده نظم عامه پولیس کوچلریگه تیگیشلی بیر پوسته اوستیگه هجوم قیلگن و پوستهنی نظارتگه آلگنیدن سونگ، نظم عامه پولیسلریدن 9 تهسینی آتیب اولدیرگن.
جناب قانعنینگ بیاناتیگه اساس، طالبان گروهی کیچه کورووچی قوراللر آرقهلی بیرینچیدن نیچه پولیس عسکرنی نشانگه آلگن و اوندن سونگ، پوسته گه کیریب 9 عسکرنی آتیب تشلهگن و پوستهده بولگن برچه حربی جهاز و بیر «هاموی» تانکینی اوزلری بیلن آلیب کیتگن.
اوشبو واقعه فراه ولایتینینگ امنیتی رسمیلری، طالبان گروهیگه قرشی امنیتی کوچلر تامانیدن یولگه قوییلگن عملیات نتیجهسیده کته بیر مخدره ماده ایش خانه ویران ایتیلگنی و جنگری طالبلردن 17 تهسی هلاک ایتیلگنینی ایتگن بیرچاغده یوز بیرگن.
