طالبان گروهی 24 ساعت آتیشمهدن سونگ، بدخشان ولایتینینگ ارغنجخواه تومنینی تصرف قیلگن.
بدخشان ولایتی کینگش اعضاسی عبدالله ناجی نظری نینگ سلاموطندارگه ایتیشیچه، اوشبو تومنده جایلشگن امنیتی کوچلر طالبان قمراویگه قرار تاپکن ایدیلر، بیراق کمکی کوچ یوباریلمهگنی باعث، منطقهنی ترک قیلگنلر.
نظریگه کوره، بو واقعهده امنیتی کوچلردن 9 تهسی هلاک، 7 تهسی یرهلنیب و باشقه 5 تهسی طالبان قولیگه توشگن.
بدخشان ولایتی کینگشینینگ اوشبو اعضاسینی کوپهیتیریشیچه، ارغنجخواه تومنینینگ طالبان قولیگه سقوط قیلیشی بیلن اوشبو تومن بیلن قوشنی بولگن باشقه 12 تومن و فیضآباد شهری جدی تهدید بیلن روپهره بولگن.
نمایندهلر کینگشی اعضاسی زلمی مجددینینگ فیسبوک صحیفهسیده یازیشیچه، مرکزی حکومتنینگ دقت سیزلیگی و امنیتی مسووللرنینگ کفایت سیزلیگی باعث، ارغنجخواه تومنی سقوط قیلگن.
اونینگ کوپهیتیریشیچه، ارغنجخواه تومنینینگ سقوط قیلیشی بیلن شغنان، اشکاشم، خاش، شهدا، بهارک و جرم تومنلری طالبلرنینگ جدی تهدیدلری بیلن روپهره بولگن.
مجددی نینگ یازیشیچه، بدخشان ولایتینینگ امنیتی وضعیتی خواطرلنترووچی دیر و حاضرده کمیده 600 طالب فیضآباد شهری و بهارک تومنیده جایلشگن و بو توغریده دقت بولمهگن صورتده، طالبان گروهینینگ مذکور منطقهلرده هجوم قیلیشلری ممکن.
شوتوغریده…
- قیصارده 4 پوسته سقوط قیلگن؛ امنیتی کوچلردن 22 تهسی هلاک ایتیلگن
بدخشانده ناتینچلیک کوپهیگنی باعث، یشاوچیلر ناراضیلیک بیلدیرگن
عینحالده، بدخشان امنیتی مسووللرینینگ ارغنجخواه تومنینی کامل صورتده سقوط قیلگنینی رد قیلیب ایتیشیچه، امنیتی کوچلر تومن مرکزیده جایلشگنلر و آتیشمه نینگ دوامی بار.
بدخشان پولیس قومندانلیگینی سوزلاوچیسی ثناالله روحانی نینگ ایتیشیچه، کمکی کوچلر محلگه یوباریلگن و تیزلیککه تازهلش عملیات یولگه قوییلهدی.
ارغنجخواه تومنی، بدخشان ولایتینینگ استراتژیکی تومنلریدن بولیب بهارک، شغنان، خاش، شهدا و فیضآباد شهری بیلن چیگره داش دیر.
وردوج و یمگان تومنلریدن سونگ، طالبان قولیگه سقوط قیلگن بو 3- تومن دیر و طالبان گروهی مذکور تومنلر چکهسیده باشقه 12 تومنده کینگ شکلده فعالیت قیلهدی.
