جوزجان، فاریاب و سرپلده داعش گروهیگه اوستی یاپیق صندوقلر تشلنگن
جوزجان ولایتینینگ درزاب تومنی محلی رسمیلرینینگ ایتیشیچه، جوزجاننینگ درزاب و قوشتپه تومنلری، فاریابنینگ بلچراغ تومنی و سرپلنینگ صیاد تومنیده داعش گروهینینگ حاکمیتیده بولگن منطقهلرده تورت ماشینهلی تیک اوچر آرقهلی اوستی یاپیلگن صندوقلر تشلنگن.
جوزجان ولایتینینگ درزاب تومنی ولسوالی رحمتالله حشرنینگ سلاموطندارگه ایتیشیچه، مملکت شمالیده اوچ چیگره داش بولگن ولایتده داعش گروهی نظارتیده بولگن منطقهلرده بیر تورت ماشینهلی تیک اوچر، اوستی یاپیلگن صندوقلرنی تشلهگن.
جناب حشرگه کوره، جوزجان ولایتینینگ درزاب و قوشتپه تومنلریده امنیتی وضعیت خواطرلی دیر.
بیراق، جوزجان پولیس قومندانی رحمتالله ترکستانینینگ سلاموطندارگه ایتیشیچه، تورت ماشینهلی تیک اوچر آرقهلی داعش گروهی اکمال ایتیلیشی خصوصیده، حاضرگچه معلومات قولگه کیریتمهگنلر.
ایتیش کیرهک بوندن آلدین، سرپل ولایتینینگ محلی رسمیلری، مذکور ولایتنینگ صیاد تومنی پشتباغ قیشلاغیده طالبلرنینگ نظارتیده بولگن منطقهده ایکی ناتانیش تیک اوچر قونگنینی بیلدیرگن ایدیلر، بیراق بو بیرینچی مرته کیم، مملکت شمالیده تورت ماشینهلی تیک اوچر آرقهلی داعش گروهی اکمال ایتیلیشی توغریسیده مِش مِشلر تاپیلگن.
