افغانستان سابق جمهور رییسی حامدکرزی یاشلرگه خطاب قیلیب، اورپا و تشقی مملکتلر بولر اوچون »بهشت امن» بولمسلیگینی ایتگن. ایریم حساباتلرده2014- ییلده دنیانینگ یالغوز 44% مهاجرلرینی افغانستانلیکلر تشکیل بیرگن. ربو رقم ایسه جاری ییل اینیقسه اوتگن ایکی آیده کوزگه کورینرلی درجهده آشگنی ایتیلهدی.
بوگون (یکشنبه) جهاد سابق رهبری همده عالی تینچلیک کینگشینینگ رییسی برهانالدین ربانی شهادتینینگ تورت ییللیگی مناسبتی بیلن کابلده اوتگزیلگن ییغینده سوزگه چیقیب، یاشلردن افغانستان کیلهجگی بارهسیدهگی یلغانلرگه ایشانمسلیکلرینی سورهگن.
شونینگدیک حامدکرزی، افغانستان دین عالملریدن یاشلرگه آگاهلیک بیریش بیلن یاشلرنی خارج مملکتلرگه کیتیش اوچون توسیق بولیشلرینی سورهگن.
جهاد سابق رهبرلریدن عبدالربرسول سیافنینگ مذکور ییغینده ایتیشیچه، اروپا مملکتلریگه سابقهسیز روشده یاشلرنی هجوم قیلگنلیگینینگ بیرینچی دلیلی حکومت بیلن اهالی اورتهسیده حددن تشقری فاصله کیلگن لیگی سبب بولگن. عین حالده، او یاشلردن مملکتنی ترک قیلمسدن افغانستان آبادانلیگی اوچون سعی وحرکت قیلیشلرینی سورهگن.
اما ایریم سیاسی تحلیلچیلر سابق جمهور رییس اظهاراتلرینی احساسی تامانی بارلیگی ایتگنلر. تحلیلچیلرگه کوره، مملکت حاضرگی وضعیتی همده حکومت ناکارالیگینی نظرده توتگن حالده، مملکت اهالیسیدن افغانستاننی ترک قیلمسلیکلرینی سورهش منطقی گپ ایمس.
بیلیم یورت استادی و ینه جمامعهشناس فصیل امیننینگ سلاموطندارگه ایتیشیچه، حکومتنینگ ایشیده موجود ضعف اهالی حوصلهسینی پیر قیلگن و اولر چارهسیز مملکتنی ترک قیلهدیلر. جناب امینگه کوره، سابق جمهور رییس کرزینینگ یاشلرگه ایش سیزلیکنی چیدهش، نابرقرالیکنی تحمل قیلیش و اولدیریلیشنی تن آلیش کیرهک اما مملکتنی ترک قیلمنگ دیگنی منطقگه ضد بیر اظهاراتدن بولک نرسه ایمس.
شونینگدیک جناب امین افغانستان رهبرلری، قوم یاش اولوغلری سابق جمهور رییسدن اون ییل جریانیده قولگه کیریتیلگن یوتوقلر یوق ایتیلمسلیگی اوچون ملی بیرلیک حکومت رهبرلرینی باسیم آستیگه آلیشلرینی سورهگن.
افغانستانده ملی بیرلیک حکومتی ایجاد ایتیلگندن کیین قشاقلیک، ایش سیزلیک و خوفسیزلیک کوتیلمهگن درجهده آشدی بو موضوع ایسه مملکت یاشلرینی کینگ کولمده افغانستاننی ترک قیلیشلریگه باعث بولدی. کوپینچه یاشلر ناقانونی یوللر بیلن خارج مملکتلرگه باریش اوچون سفر بر بولگن لر.
