بوگون "پنجشنبه" ایرتهدن چاغیده پکتیا مرکزی گردیز شهریده خودکش هجومگه گواه بولگن.
ایچکی ایشلر وزیرلیگی سوزلاوچیسی طارق آرین نینگ ایتیشیچه، مذکور واقعه نینگ قندهی شکلده یوز بیرگنی و تلفات رقمی خصوصیده معلومات یوق.
بیراق، 203 تندر قول اردو قومندانلیگی نینگ ایتیشیچه، بوگون "پنجشنبه" ایرتهلب ساعت 8 اطرافیده انتحارچی بیر کیشی موترگه جایلشتیرگن پارتلش مادهنی گردیز شهریده جایلشگن ملی اردو مرکزی نینگ یقینیده پارتلهتگن.
203 تندر قول اردو قومندانلیگی سوزلاوچیسی ایملخان مومند نینگ ایتیشیچه، بو واقعهده حاضرگهقدر 5 تینچ اهالی هلاک و باشقه 14 تینچ اهالی شامل 19 کیشی یرهلنگن دیر.
مذکور واقعه مسوولیتینی طالبان گروهی بوینیگه آلگن، بیراق ایچکی ایشلر سوزلاوچیسی طارق آرین نینگ ایتیشیچه، اوشبو هجوم حقانی شبکهسی و لشکر طیبه تامانیدن اویوشتیریلگن.
